Því miður ætlaði Helgi í Góu ekki að gefa öllum Grindvíkingum páskaegg þó hugmyndin sé frábær! Fréttin hér fyrir neðan var því 1. apríl gabb. Við vonum að allir sem lögðu á sig að bíða heima eftir eggjum eða sendu okkur póst fái engu að síður sín páskaegg í ár.
Grindvíkingar eru hvattir til að vera heimavið milli klukkan 14:00 - 16:00 í dag en Sælgætisgerðin Góa hyggst senda hraunpáskaegg í öll hús bæjarins. Þeir sem af einhverjum ástæðum geta ekki verið heima eru beðnir að senda póst á heimasidan@grindavik.is svo hægt sé að tryggja að allir fái sitt egg.
"Grindvíkingar hafa mátt þola miklar raunir eftir jarðskjálftana undanfarið. Þegar byrjaði svo að gjósa í bakgarðinum þeirra fannst mér tilvalið að senda þeim smá glaðning í tilefni páskana, og hvað er meira viðeigandi en HRAUN-páskaegg?", sagði Helgi Vilhjálmsson, eigandi Góu.