1574. fundur bæjarráðs Grindavíkur haldinn í bæjarstjórnarsal, 9. mars 2021 og hófst hann kl. 16:00.
Fundinn sátu: Hjálmar Hallgrímsson, formaður, Sigurður Óli Þórleifsson, varaformaður, Hallfríður G Hólmgrímsdóttir, aðalmaður, Páll Valur Björnsson, áheyrnarfulltrúi. Helga Dís Jakobsdóttir var fjarverandi en í staðinn sat fundinn Sævar Þór Birgisson,varamaður.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Sumarstörf 2021 - 2103001
Sviðsstjóri frístunda- og menningarsviðs sat fundinn undir þessum dagskrárlið. Bæjarráð tekur vel í hugmyndina og felur sviðsstjóra frístunda- og menningarsviðs að útfæra og kostnaðarmeta í samræmi við umræður á fundinum og koma með á næsta fund bæjarráðs.
2. Fjárhagsstaða deilda UMFG vegna heimsfaraldurs - 2101078
Sviðsstjóri frístunda- og menningarsviðs sat fundinn undir þessum dagskrárlið. Málið lagt fram og sviðsstjóri mun fylgjast með framvindu rekstrar UMFG á árinu 2021 og upplýsa bæjarráð eftir atvikum.
3. Beiðni um styrk vegna breytinga á búningsklefa við knattspyrnuvöll - 2102151
Sviðsstjóri frístunda- og menningarsviðs sat fundinn undir þessum dagskrárlið.
Tillaga 1 frá fulltrúa U-lista
Beiðni þessar styrks kemur í kjölfar styrks sem veittur var meistaraflokki karla í fótbolta árið 2020. Þeim styrk var ekki varið í þá hluti sem styrktarumsóknin hljóðaði upp á. Þessi vinnubrögð, með almannafé, eru óviðunandi. Rödd unga fólksins leggur því til að styrkurinn verði endurgreiddur og nýttur í uppbyggingu á styrktaraðstöðu fyrir allar deildir UMFG, óháð kyni svo gætt sé jafnræðis.
Tillaga 2 frá fulltrúa U-lista
Ef sú tillaga er felld þá samþykkir Rödd unga fólksins styrk að sömu upphæð til meistaraflokks kvenna í ljósi jafnræðis.
Bæjarráð hafnar tillögu 1 en samþykkir tillögu 2.
Bókun
Fulltrúar B og D lista taka undir margt sem kemur fram í bókun U lista. En þrátt fyrir að styrkur til mfl. karla hafi verið misnotaður, þá geta fulltrúar B og D lista ekki annað en samþykkt framkvæmdir í klefa mfl. kvenna til jafns við klefa mfl. karla. Því samþykkja fulltrúar B og D lista með því skilyrði að fylgst verði með framkvæmdum og fjármunir fari eingöngu í endurbætur á klefa mfl. kvenna.
Bæjarráð leggur til við bæjarstjórn að samþykkja viðauka að fjárhæð 737.000 kr. sem fjármagnaður verði með lækkun á handbæru fé.
4. Ástand knattspyrnuvalla og götun - 2102053
Sviðsstjóri frístunda- og menningarsviðs sat fundinn undir þessum dagskrárlið. Bæjarráð vísar erindinu til fjárhagsáætlunar næsta árs.
5. Starfsemi Pólska skólans í Reykjavík - 2102081
Sviðsstjóri frístunda- og menningarsviðs sat fundinn undir þessum dagskrárlið. Bæjarráð vísar erindinu til fjárhagsáætlunargerðar næsta árs.
6. Félag eldri borgara - Beiðni um styrk vegna fasteignagjalda - 2103017
Bæjarráð samþykkir styrk á móti fasteignagjöldum ársins 2021. Bæjarráð leggur til við bæjarstjórn að samþykkja viðauka að fjárhæð 155.000 kr. sem fjármagnaður verði með lækkun á handbæru fé.
7. Fasteignagjöld 2020, Frestun innheimtu lögaðila vegna Covid 19 - 2003067
Bæjarráð heimilar sviðsstjóra fjármála- og stjórnsýslusviðs að gera áfram samkomulag við þá aðila í ferðaþjónustu sem orðið hafa fyrir verulegu tekjufalli og geta ekki staðið í skilum.
8. Ofgreiðsla staðgreiðslu 2020 - 2103006
Lagt fram minnisblað frá fjármála- og efnahagsráðuneyti vegna ofgreiðslu á staðgreiðslu til sveitarfélaga.
9. Kvennaathvarfið - styrkbeiðni - 2102161
Bæjarráð samþykkir að styrkja samtökin um 50.000 kr. af styrktarlið bæjarráðs.
10. Stígur frá Grindavík vestur að golfvelli - 2002001
Sviðsstjóri skipulags- og umhverfissviðs sat fundinn undir þessum dagskrárlið í gegnum Teams. Farið yfir stöðuna á framkvæmdum við stíg út á golfvöll.
11. Víkurbraut 62, 3 hæð - Starfsaðstæður - 2103023
Sviðsstjóri félagsþjónustu- og fræðslusviðs sat fundinn undir þessum dagskrárlið og sviðsstjóri skipulags- og umhverfissviðs sat fundinn í gegnum Teams. Fram hafa komið rakaskemmdir á 3. hæð og þarf að koma starfseminni annað meðan viðgerðir fara fram. Bæjarstjóra er falið að vinna málið áfram.
12. Jarðskjálftar og landris við Grindavík - 2001074
Fleira ekki gert. Fundi slitið kl. 18:15.