Mjög vel hefur fiskast hjá Grindavíkurskipum bæði í janúar og svo er nú ljóst að febrúar fór vel af stað. Í dag landaði Sturla um 45 tonnum, Hrafn landaði 36 tonnum en hann landaði um 100 tonnum á s.l. föstudag. Jóhanna Gísla landaði rúmlega 100 tonnum og Fjölnir landaði í gær einnig rúmlega 100 tonnum. Verið er að landa úr frystitogaranum Tómasi Þorvaldssyni en hann er með um 16.400 kassa af afurðum. Frá 1. feb til 18. feb er landaður afli alls 3254 tonnum í 109 löndunum samtals, þar af hafa smærri skipin landað 518 tonnum í 68 róðrum. Þetta gerir að 36% meira afla hefur verið landað þetta tímabil miðað við sama tímabil árið 2020. Að auki er flutningaskipið Hagland Chief að losa um 1700 tonnum af salti við Norðurgarð svo menn geta glatt sig við mjög góða nýtingu á hafnarköntum fyrstu vikur ársins 2021 að minnsta kosti.