105. fundur Fræðslunefndar haldinn sem fjarfundur í Teams, 7. janúar 2021 og hófst hann kl. 16:30.
Fundinn sátu:
Guðmundur Grétar Karlsson, formaður, Arna Björg Rúnarsdóttir, aðalmaður, Siggeir Fannar Ævarsson, aðalmaður, Jóhanna Sævarsdóttir, aðalmaður,
Guðbjörg Gerður Gylfadóttir, aðalmaður, Dagmar Lilja Marteinsdóttir, áheyrnarfulltrúi, Rakel Eva Eiríksdóttir, áheyrnarfulltrúi, Valdís Inga Kristinsdóttir, varam. áheyrnarfulltrúa, Aníta Sveinsdóttir, áheyrnarfulltrúi,
Fríða Egilsdóttir, leikskólastjóri, Inga Þórðardóttir, skólastjóri, Guðbjörg Málfríður Sveinsdóttir, grunnskólastjóri.
Hulda Jóhannsdóttir, leikskólastjóri boðaði forföll.
Fundargerð ritaði: Ingibjörg María Guðmundsdóttir, Yfirsálfræðingur.
Dagskrá:
1. Endurskoðun menningarstefnu Grindavíkurbæjar - 1903070
Lögð fram drög að menningarstefnu Grindavíkurbæjar. Óskað er umsagnar fræðslunefndar þar sem skörun er við skólastarf.
Fræðslunefnd fagnar því að menningastefna Grindavíkurbæjar líti dagsins ljós og að Tónlistarskóli verði í boði fyrir nemendur á öllum aldri og að kostnaður grunnskólabarna verði sambærilegur við íþróttaæfingar. Einnig telur fræðslunefnd að bókasafnið og starfsemi þess sé ekki nægilega sýnilegt í stefnunni og möguleikar þess í aðkomu menningu séu ekki fullnýttir.
2. Lærdómssamfélagið í Grindavík - 2008043
Sagt frá fyrstu skrefum í að vinna að innleiðingu lærdómssamfélagsins Grindavík. Stefnt er að því að sækja um styrk í Sprotasjóð og að verkefnið fari af stað haustið 2021 og taki þrjú ár. Lagt er upp með að verkefnið verði samstarfsverkefni alls skólasamfélagsins í Grindavík og teygi sig út í samfélagið.
3. Fræðslunefnd: Heimasíða Grindavíkurbæjar - 1804014
Rætt um framsetningu upplýsinga um fræðslumál á heimasíðu Grindavíkurbæjar sem fræðslunefnd telur mjög ábótavant.
Fræðslunefnd ítrekar mikilvægi þess að ljúka við vinnuna sem var sett í gang fyrir nokkrum árum í hönnum og framsetningu. Ljóst er að erfitt er að finna upplýsingar á síðunni, það eru tómir tenglar þar, gamlar upplýsingar og ekki notendavænt umhverfi fyrir stjórnendur. Heimasíðan er Grindavíkurbæ ekki til framdráttar eins og hún er í dag.
4. skólaskrifstofa vs. skólaþjónusta - 2101016
Rætt um hlutverk skólaskrifstofu og skólaþjónustu.
Fræðslunefnd felur formanni að vinna málið áfram og leggja fyrir nefndina í vor.
5. Mat á starfi Tónlistarskóla - 2009209
Lögð fram áætlun að mati á starfi Tónlistarskóla Grindavíkurbæjar sem skólaþjónusta gæti framkvæmt.
Fræðslunefnd samþykkir áætlunina og að samantekt á fyrri hluta matsins verði lagður fram í fræðslunefnd í vor.
Fleira ekki gert. Fundi slitið kl. 18:00.