1568. fundur bæjarráðs Grindavíkur haldinn í bæjarstjórnarsal, 5. janúar 2021 og hófst hann kl. 16:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Hallfríður G Hólmgrímsdóttir, aðalmaður, Páll Valur Björnsson, áheyrnar-fulltrúi og Helga Dís Jakobsdóttir, áheyrnarfulltrúi,
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Gallup - Þjónustukönnun 2020 - 2012073
Matthías Þorvaldsson frá Gallup sat fundinn undir þessum dagskrárlið í gegnum fjarfundabúnað. Farið yfir niðurstöður þjónustukönnunar sem gerð var meðal 20 stærstu sveitarfélaga landsins.
2. Kjarasamningar - Stytting vinnuviku - 2005108
Deildarstjóri öldrunarþjónustu sat fundinn undir þessum dagskrárlið.
Bæjarráð samþykkir vinnufyrirkomulag deildarstjóra öldrunarþjónustu til reynslu til þriggja mánaða.
3. Ísland ljóstengt framkvæmd - 1712077
Sviðsstjóri skipulags- og umhverfissviðs sat fundinn undir þessum dagskrárlið í gegnum fjarfundabúnað. Samningur um uppgjör við Mílu vegna verkefnisins "Ísland ljóstengt" er lagður fram.
Bæjarráð felur bæjarstjóra að ganga frá samningnum við Mílu.
4. Ljósleiðaravæðing í Grindavík 2021 - 2101005
Sviðsstjóri skipulags- og umhverfissviðs sat fundinn undir þessum dagskrárlið í gegnum fjarfundabúnað.
Áætlanir Mílu um ljósleiðaravæðingu í Grindavík á árinu 2021 lagðar fram til kynningar.
5. Gatnalýsing Þjónustusamningur 2020 - 2011033
Sviðsstjóri skipulags- og umhverfissviðs sat fundinn undir þessum dagskrárlið í gegnum fjarfundabúnað. Niðurstöður opins útboðs vegna viðhalds og ledvæðingar gatnalýsingar liggja fyrir. TG Raf ehf. voru lægstbjóðandi en tilboð þeirra var 34.859.188 kr. sem er 78,28% af kostnaðaráætlun.
Samningur við TG Raf lagður fram til kynningar.
6. Hleðslustöðvar í Grindavík - 2011031
Sviðsstjóri skipulags- og umhverfissviðs sat fundinn undir þessum dagskrárlið í gegnum fjarfundabúnað. Þann 11. desember sl. samþykkti Orkusjóður að veita 10 Mkr. til uppbyggingar hleðslustöðva í Grindavík. Drög að samningi lögð fram.
Bæjarráð samþykkir samninginn og felur sviðsstjóra skipulags- og umhverfissviðs að vinna málið áfram.
7. Styrkur til fráveituframkvæmda - 2012072
Sviðsstjóri skipulags- og umhverfissviðs sat fundinn undir þessum dagskrárlið í gegnum fjarfundabúnað. Umhverfis- og auðlindaráðherra hefur undirritað reglugerð um styrki til fráveituframkvæmda. Ráðgert er að opnað verði fyrir umsóknir um styrki í byrjun janúar 2021. Hægt verður að sækja um styrki fyrir framkvæmdir sem fram fara á tímabilinu 2020-2030 og vekjum við sérstaklega athygli á því að í janúar 2021 skal sækja um styrki fyrir verkefni sem hófust eftir 1. janúar 2020.
Bæjarráð felur sviðsstjóra skipulags- og umhverfissviðs að vinna málið áfram.
8. Gerðavellir 17 Húsasótt - 2010048
Sviðsstjóri skipulags- og umhverfissviðs sat fundinn undir þessum dagskrárlið í gegnum fjarfundabúnað. Lögð fram aðgerðar- og kostnaðaráætlun frá OMR verkfræðistofu ehf. vegna fasteignarinnar.
Bæjarráð felur sviðsstjóra skipulags- og umhverfissviðs að vinna málið áfram.
9. Borgarhraun 2 - Umsókn um rekstrarleyfi til sölu gistingar í flokki II - 2012066
Fyrir liggja umsagnir frá HES, Slökkviliði Grindavíkur og byggingarfulltrúanum í Grindavík. Sótt er um 16 gistirými en Slökkvilið gefur umsögn fyrir allt að 10 gesti í húsnæðinu vegna brunavarna.
Bæjarráð mælir með leyfisveitingu fyrir allt að 10 gesti.
10. Almannavarnarnefnd Grindavíkur - 67 - 2012018F
Fundargerðin er lögð fram til kynningar.
Fleira ekki gert. Fundi slitið kl. 18:00.