100. fundur frístunda- og menningarnefndar haldinn sem fjarfundur í Teams, 7. desember 2020 og hófst hann kl. 16:00.
Fundinn sátu:
Margrét Kristín Pétursdóttir,varamaður, Þórunn Erlingsdóttir, aðalmaður,
Bjarni Þórarinn Hallfreðsson, aðalmaður, Alexander Veigar Þórarinsson, aðalmaður, Irmý Rós Þorsteinsdóttir, formaður, Jón Júlíus Karlsson, áheyrnarfulltrúi og Eggert Sólberg Jónsson, sviðsstjóri frístunda- og menningarsviðs.
Fundargerð ritaði: Eggert Sólberg Jónsson, sviðsstjóri frístunda- og menningarsviðs.
Dagskrá:
1. Eftirfylgni samstarfssamninga á frístunda- og menningarsviði 2020 - 2011038
Lagðar fram framvinduskýrslur frá aðalstjórn, fimleikadeild, judódeild, körfuknattleiksdeild, knattspyrnudeild, sunddeild og taekwondodeild UMFG auk skýrslu frá Unglingadeildinni Hafbjörgu vegna samstarfssamninga.
2. Endurskoðun menningarstefnu Grindavíkurbæjar - 1903070
Frístunda- og menningarnefnd hefur unnið að endurskoðun menningarstefnu Grindavíkurbæjar frá því í apríl 2019. Nefndin stóð m.a. fyrir opnum fundi með íbúum, opinni könnun á vef sveitarfélagsins auk þess sem drög að stefnunni voru kynnt íbúum þar sem þeim gafst kostur á að senda inn ábendingar og athugasemdir. Nefndin telur að forgangsatriði í framkvæmd stefnunnar til ársins 2024 ættu að vera:
1. Börnum og unglingum standi til boða að nýta og þróa hæfileika sína á sviði lista og menningar.
2. Kvikan verði menningarhús Grindvíkinga með rúmgóðum fjölnotasal.
3. Viðburðum á vegum Grindavíkurbæjar verði dreift yfir árið.
Frístunda- og menningarnefnd vísar stefnunni til afgreiðslu í bæjarráði.
3. Samstarf við Samtökin ´78 - 2011071
Lögð fram drög að samstarfssamningi við Samtökin "78 um fræðslu til starfsfólks og nemenda grunnskóla, starfsfólks leikskóla, félagsmiðstöðva og stjórnenda auk ráðgjafar. Lýðheilsuteymi Grindavíkurbæjar telur mikilvægt að efla fræðslu um hinsegin málefni meðal starfsfólks og nemenda og leggur til að samningurinn verði samþykktur. Frístunda- og menningarnefnd undir bókun lýðheilsuteymisins.
4. Ungt fólk 2020 - 2009008
Niðurstöður rannsóknarinnar Ungt fólk 2020 sem framkvæmd var í október lagðar fram. Nefndin felur sviðsstjóra að birta lykiltölur úr rannsókninni á vef Grindavíkurbæjar.
5. Viðburðir á frístunda- og menningarsviði 2021 - 2012010
Rætt um viðburði á frístunda- og menningarsviði 2021.
6. Lýðheilsuteymi - 1 - 2011021F
Fundargerð 1. fundar lýðheilsuteymis Grindavíkurbæjar lögð fram.
Fleira ekki gert. Fundi slitið kl. 17:00.