Tómas Breki Bjarnason nemandi í 9. bekk í Grunnskóla Grindavíkur var kosinn í Ungmennaráð Samfés um miðjan desember. Tómas Breki situr bæði í nemenda- og Þrumuráði auk þess að eiga sæti í Ungmennaráði Grindavíkur. Forstöðumaður Þrumunnar, Elínborg Ingvarsdóttir sagði Tómas Breka vel að þessu kominn. „Tómas er mikill leiðtogi, hann er harðduglegur og samviskusamur og sýnir frumkvæði. Ef eitthvað þarf að gera gengur hann beint til verks.”
Kosningin rafræn
Kosið var í ár í ráðið með rafrænum hætti í gegnum forritin Discord og Zoom. Tómas Breki hlaut annað sæti í kjördæminu Reykjanes/kraginn og verður í eitt ár í Ungmennaráði Samfés. Kosningar í Ungmennaráð Samfés fara árlega fram á Landsmóti Samfés.
Alls er kosið í 9 kjördæmum, þar sem 18 fulltrúar eru kosnir til tveggja ára og 9 fulltrúar til eins árs. Þannig eru fulltrúar ráðsins 27 talsins. Allir þátttakendur á Landsmóti hafa rétt til að bjóða sig fram í ungmennaráðið, þá hver fyrir sitt kjördæmi.
Tilgangur og markmið ungmennaráða Samfés er að: