67. fundur Almannavarnarnefndar Grindavíkur haldinn í bæjarstjórnarsal, 17. desember 2020 og hófst hann kl. 10:00.
Fundinn sátu:
Fannar Jónasson bæjarstjóri, Ásmundur Jónsson slökkviliðsstjóri,
Atli Geir Júlíusson sviðsstjóri skipulags- og umhverfissviðs, Jón Valgeir Guðmundsson aðalmaður, Tryggvi Hjörtur Oddsson aðalmaður og
Sigurður Bergmann aðalmaður.
Einnig sátu fundinn: Úlfar Lúðvíksson lögreglustjóri á Suðurnesjum, Gunnar Schram yfirlögregluþjónn, Bjarney Annelsdóttir yfirlögregluþjónn, Friðjón Viðar Pálmason frá almannavarnadeild ríkislögreglustjóra, Bogi Adolfsson frá björgunarsveitinni Þorbirni og Bergrún Arna Óladóttir sérfræðingur á sviði eldfjallafræði hjá Veðurstofu Íslands.
Fundargerð ritaði: Atli Geir Júlíusson, sviðsstjóri skipulags- og umhverfissviðs.
Hluti fundarmanna tók þátt í fundinum með Teams fjarfundarbúnaði.
Dagskrá:
1. Stýrihópur um hættumat vegna eldgosa nálægt þéttbýli - vestanverður Reykjanesskagi - 2006054
Bergrún Arna Óladóttir frá Veðurstofu Íslands sat fundinn undir þessum dagskrárlið og fór yfir þá vinnu sem unnin hefur verið við hættumat vegna eldgosa nálægt þéttbýli á vestanverðum Reykjanesskaga. Stefnt er á að verkefninu ljúki í maí 2021.
2. Viðbragðsáætlun Grindavíkurbæjar - 2012044
Farið yfir stöðuna á viðbragðsáætlun ríkislögreglustjóra og stofnana Grindavíkurbæjar.
Viðbragðsáætlun ríkislögreglustjóra er komin á vef almannavarna og tekur gildi um áramót. Stefnt er á skrifborðsæfingu þegar aðstæður í þjóðfélaginu verða betri út frá sóttvarnarsjónarmiðum.
Gera þarf upplýsingar um rýmingaráætlun Grindavíkurbæjar á heimasíðu bæjarins aðgengilegri.
3. Rauði Krossinn - hlutverk á neyðarstigi - 2012043
Farið yfir hlutverk Rauða Krossins.
Deildir Rauða krossins á Suðurnesjum hafa verið sameinaðar. Vinna við að koma upp viðbragðshóp Rauða krossins á Suðurnesjum er í gangi og verður kynnt lögreglunni á Suðurnesjum í febrúar. Einnig er verið að koma á fót þjálfun fyrir aðgerðarstjórnendur Rauða krossins. Hannes Friðriksson er fulltrúi Rauða krossins á Suðurnesjum í aðgerðarstjórn. Lager Rauða krossins af beddum (300 til 400 stk) eru í Reykjanesbæ eftir atburð fyrr á árinu.
4. Varaaflsstöð við Íþróttamannvirki - 2012042
Kynntar hugmyndir um staðsetningu varaaflsstöðvar við íþróttamannvirki í Grindavík.
Fjöldarhjálparstöð í Grindavík hefur verið staðsett í Hópsskóla en er nú í íþróttamiðstöð, þó verður Hópsskóli áfram tiltækur ef skipta þarf upp hópum.
Grindavíkurbær hefur fjárfest í varaaflsstöð og vinna er í gangi við að setja hana upp til að keyra íþróttamiðstöðina. Hugmyndin um að tengja hana við spennistöðu nærri íþróttamiðstöðinni þannig að hún gæti líka keyrt Víkurbraut 62 þar sem Heilbrigðisstofnun Suðurnesja er til húsa ásamt mögulega fleiri mannvirkjum.
Fleira ekki gert. Fundi slitið kl. 10:50.