81. fundur skipulagsnefndar haldinn Gjánni, 15. desember 2020 og hófst hann kl. 16:15.
Fundinn sátu:
Guðmundur L. Pálsson, formaður, Ólafur Már Guðmundsson, aðalmaður,
Anton Kristinn Guðmundsson, aðalmaður, Lilja Ósk Sigmarsdóttir, aðalmaður, Gunnar Már Gunnarsson, aðalmaður, Atli Geir Júlíusson, sviðsstjóri skipulags- og umhverfissviðs.
Fundargerð ritaði: Atli Geir Júlíusson, sviðsstjóri skipulags- og umhverfissviðs.
Dagskrá:
1. Deiliskipulag - Hlíðarhverfi - 1901081
Uppfærð gögn deiliskipulags við Hlíðarhverfi vegna ábendinga Skipulagsstofnunnar um sérafnotarétt íbúða á jarðhæð í fjölbýli og umfjöllun um áfangaskiptingu uppbyggingar hverfis lögð fram.
Þá hafa eftirfarandi breytingar/viðbætur verið gerðar á gögnum:
- Lóðarnöfn sett á uppdrátt og í skilmálatöflu. Lóðanöfnum breytt á þremur götum frá skipulagsnefndar fundi þann 30.nóvember sl., Brekkuhlíð verður Brattahlíð, Hrafnshlíð verður Hrafnahlíð og Blikahlíð verður Fálkahlíð.
- Skilmálum og lóð fyrir spennistöð HS veitna bætt við á skipulagsuppdrátt og í greinagerð.
- Smávægilegar breytingar gerðar á lóðum á skipulagsuppdrætti og í skilmálatöflu vegna breytinga á miðlínu gatna.
Breytingar og viðbætur eru minniháttar og ekki þörf á að auglýsa tillöguna aftur.
Deiliskipulagstillagan hefur hlotið þá meðferð sem skipulagslög mæla fyrir um.
Skipulagsnefnd samþykkir deiliskipulagstillöguna fyrir Hlíðarhverfi með þeim minniháttar breytingum sem hafa orðið á henni og fjallað er um í bókun þessari. Tillögunni er vísað til bæjarstjórnar til fullnaðarafgreiðslu.
2. Breyting á deiliskipulagi við Víðihlíð - 1911034
Tillaga að breytingu á deiliskipulaginu við Víðihlíð lögð fram til samþykktar fyrir auglýsingu. Málsmeðferð á deiliskipulagsbreytingunni verður í samræmi við 1.mgr. 43.gr. skipulagslaga nr. 123/2010.
Skipulagsnefnd samþykkir að auglýsa og kynna framlagða tillögu að breyttu deiliskipulagi við Víðihlíð og vísar henni til bæjarstjórnar til afgreiðslu.
3. Deiliskipulagsbreyting - Orkuvinnslusvæði á Reykjanesi - 2012024
Skipulagslýsing vegna deiliskipulagsbreytingar á orkuvinnslusvæði á Reykjanesi lögð fram.
Málsmeðferð verður í samræmi við 40.gr. skipulagslaga nr. 123/2010.
Skipulagsnefnd samþykkir skipulagslýsinguna og að um hana verði leitað umsagna hjá umsagnaraðilum og kynnt almenningi. Erindinu er vísað til bæjarstjórnar.
4. Suðurnesjalína 2 - umsókn um framkvæmdaleyfi - 2012027
Landsnet sækir um framkvæmdarleyfi fyrir því að byggja 220 kV raflínu, Suðurnesjalínu 2, milli Hamraness í Hafnarfirði og Rauðamels í Grindavík. Sótt er um framkvæmdaleyfi á grundvelli 13. og 14. gr. skipulagslaga, nr. 123/2010 og reglugerðar um framkvæmdaleyfi, nr. 772/2012. Suðurnesjalína 2, alls um 33,9 km og er hluti hennar innan Grindavíkur 0,79 km. Miðað er við að hefja framkvæmdir við Suðurnesjalínu 2 árið 2021 og að spennusetning línunnar verði í lok árs 2022.
Skipulagsnefnd samþykkir framkvæmdarleyfið og vísar afgreiðslunni til bæjarstjórnar.
5. Tillaga að viðauka við Landsskipulagsstefnu 2015-2026 - ósk um umsögn - 2011108
Skipulagsstofnun óskar eftir umsögn um tillögu að viðauka við Landsskipulagsstefnu 2015-2026 sem auglýst er til kynningar ásamt umhverfismati í samræmi við lög nr. 123/2010 og 105/2006 og reglugerð nr. 1001/2011. Í tillögunni er sett fram stefna um loftslagsmál, landslag og lýðheilsu í tengslum við framkvæmd skipulagsmála og tekur hún eftir atvikum til allra viðfangsefna gildandi landsskipulagsstefnu. Auk þess felur tillagan í sér breytingar á gildandi landsskipulagsstefnu varðandi skipulag haf- og strandsvæða m.t.t. laga nr. 88/2018 um skipulag haf- og strandsvæða.
Lagt fram.
6. Baðsvellir 7 - Umsókn um byggingarleyfi - 2011106
Grenndarkynning á umsókn um byggingarleyfi vegna viðbyggingar að stærð 11,4 m2 við Baðsvelli 7 hefur farið fram án athugasemda.
Skipulagsnefnd samþykkir byggingaráformin. Í samræmi við 6 gr. samþykktar um skipulagsnefnd í Grindavík þá er um fullnaðarafgreiðslu að ræða. Byggingarleyfi er gefið út af byggingarfulltrúa þegar fullnægjandi gögn hafa borist embættinu.
7. Sólbakki - Umsókn um byggingarleyfi - 2010023
Grenndarkynning vegna byggingaráforma, köld geymsla á lóð, við Sólbakka hefur farið fram án athugasemda. Ásamt því að umsögn Minjastofnunar liggur fyrir án athugasemda.
Skipulagsnefnd samþykkir byggingaráformin með 4 atkvæðum og vísar til bæjarstjórnar til fullnaðarafgreiðslu. Gunnar Már situr hjá.
Byggingarleyfi er gefið út af byggingarfulltrúa þegar fullnægjandi gögn hafa borist embættinu.
8. Víkurhóp 59 - Umsókn um lóð - 2011107
Eignarhaldsfélagið Normi ehf. sækir um lóðina Víkurhóp 59.
Skipulagsnefnd samþykkir að úthluta Eignarhaldsfélaginu Norma lóðinni Víkurhóp 59 að uppfylltum skilyrðum í gr. 3.2 í lóðarúthlutunarreglum Grindavíkurbæjar. Úthlutun lóðar er vísað til afgreiðslu bæjarstjórnar.
Fleira ekki gert. Fundi slitið kl. 17:35.
Guðmundur L. Pálsson Ólafur Már Guðmundsson
Anton Kristinn Guðmundsson Lilja Ósk Sigmarsdóttir
Gunnar Már Gunnarsson