1565. fundur bæjarráðs Grindavíkur haldinn í bæjarstjórnarsal, 1. desember 2020 og hófst hann kl. 16:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Hallfríður G Hólmgrímsdóttir, aðalmaður, Páll Valur Björnsson, áheyrnarfulltrúi og Helga Dís Jakobsdóttir, áheyrnarfulltrúi.
Einnig sátu fundinn: Jón Þórisson, sviðsstjóri fjármála- og stjórnsýslusviðs og
Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar óskaði formaður heimildar að taka á dagskrá með afbrigðum Umhverfismál - Trúnaðarmál, 2012001, sem dagskrárlið nr. 8.
Samþykkt samhljóða.
Dagskrá:
1.Kaup á hlut í skólahúsnæði Keilis - 1912059
Friðjón Einarsson var gestur fundarins í gegnum fjarfundabúnað undir þessum dagskrárlið. Lagt fram erindi frá formanni bæjarráðs Reykjanesbæjar vegna fjárhagslegrar aðkomu að rekstri Keilis. Boðað er til kynningarfundar um málið næstkomandi föstudag.
2.Sjúkraflutningar í Grindavík - 2011114
Friðjón Einarsson var gestur fundarins í gegnum fjarfundabúnað undir þessum dagskrárlið. Lögð fram fundargerð 51. fundar í stjórn BS. Bæjarráð harmar það að ekki var haft samráð við bæjaryfirvöld í Grindavík við gerð samnings um sjúkraflutninga í Grindavík og óskar eftir að fá að sjá samninginn.
3.Ósk um niðurfellingu leigu 2020 - 2009018
Upplýsinga- og markaðsfulltrúi sat fundinn undir þessum dagskrárlið. Málinu er frestað. Upplýsinga- og markaðsfulltrúa falið að afla frekari gagna.
4.Kjarasamningar - Stytting vinnuviku - 2005108
Fyrirkomulag á styttingu vinnuviku hjá Þrumunni lagt fram til samþykktar. Bæjarráð samþykkir fyrirkomulagið.
5.Upphæð styrkja vegna íþróttaafreka 2021 - 2011110
Lögð fram tillaga að upphæð styrkja vegna íþróttaafreka árið 2021. Bæjaráð samþykkir tillöguna.
6.Janus heilsuefling - erindi vegna forvarna á Suðurnesjum - 2011111
Sviðsstjóri félagsþjónustu- og fræðslusviðs sat fundinn undir þessum dagskrárlið. Lagt fram bréf frá Janus-heilsueflingu um fjölþætta heilsueflingu 65 í sveitarfélögum.
7.Stígamót - styrkbeiðni - 2011067
Stígamót óska eftir rekstrarstyrk. Bæjarráð samþykkir að styrkja um 50.000 kr. á árinu 2021.
8.Umhverfismál - Trúnaðarmál - 2012001
Bæjarráð skipar bæjarstjóra í undirbúningshóp vegna málsins.
Fleira ekki gert. Fundi slitið kl. 78:45.