80. fundur skipulagsnefndar haldinn í bæjarstjórnarsal, 30. nóvember 2020 og hófst hann kl. 17:15.
Fundinn sátu:
Guðmundur L. Pálsson, formaður, Ólafur Már Guðmundsson, aðalmaður,
Anton Kristinn Guðmundsson, aðalmaður, Lilja Ósk Sigmarsdóttir, aðalmaður, Gunnar Már Gunnarsson, aðalmaður, Atli Geir Júlíusson, sviðsstjóri skipulags- og umhverfissviðs.
Fundargerð ritaði: Atli Geir Júlíusson, sviðsstjóri skipulags- og umhverfissviðs.
Dagskrá:
1. Deiliskipulag - Hlíðarhverfi - 1901081
Skipulagsnefnd leggur til eftirfarandi götuheiti:
Brekkuhlíð
Langahlíð
Arnarhlíð
Álftahlíð
Blikahlíð
Hrafnshlíð
Kríuhlíð
Lóuhlíð
Mávahlíð
Spóahlíð
Súluhlíð
Sviðsstjóra falið að vinna málið áfram.
2. Víkurhóp 41-55 - breyting á deiliskipulagi - 2009104
Grenndarkynningu vegna tillögu að deiliskipulagsbreytingu við Víkurhóp 41-55 er lokið án athugasemda. Grenndarkynning fór fram í samræmi við 2.mgr. 43.gr skipulagslaga nr. 123/2020.
Skipulagsnefnd samþykkir deiliskipulagsbreytinguna. Í samræmi við 6 gr. samþykktar um skipulagsnefnd í Grindavík þá er um fullnaðarafgreiðslu að ræða.
Skipulagsnefnd vekur athygli lóðarhafa/umsækjanda á eftirfarandi:
Lóðarhafi ber að greiða allan þann kostnað sem af breytingunni hlýst. Auk hinnar eiginlegu skipulagsvinnu þá má t.d. nefna kostnað sem verður til við breytingu á innviðum (t.d. rafmagn, vatnslagnir og fráveita) á skipulagssvæðinu vegna breytingarinnar.
3. Baðsvellir 7 - Umsókn um byggingarleyfi - 2011106
Óskað er byggingarleyfis til byggingar viðbyggingar við núverandi hús við Baðsvelli 7. Stærð viðbyggingar er 11,4 m2. Byggingin kemur undir núverandi þakvirki. Engar breytingar eru gerðar á núverandi burðavirki hússins vegna viðbyggingar. Einnig er sótt um að setja gönguhurð á útvegg á núverandi bílgeymslu.
Lóðin Baðsvellir 7 er á ódeiliskipulögðu svæði. Samkvæmt 44.gr. skipulagslaga nr. 123/2010 og gr. 5.9.12 í skipulagsreglugerðar skal fara fram grenndarkynning á byggingaráformunum á ódeiliskipulögðum svæðum.
Skipulagsnefnd felur sviðsstjóra að grenndarkynna byggingaráformin fyrir lóðarhafa við Baðsvelli 9.
Fleira ekki gert. Fundi slitið kl. 18:25.