Krakkar á Króki gleðja börn í Úkraínu

• Fréttir
• 17. nóvember 2020

Heilsuleikskólinn Krókur tók í ár þátt í verkefninu Jól í skókassa líkt og undanfarin ár. Leitað var til foreldra leikskólabarnanna um efnivið í kassana og færir starfsfólk Króks foreldrum og börnum miklar þakkir fyrir framlag sitt. Markmið verkefnisins var að fá börn og foreldra til að gleðja börn í Úkraínu sem búa við sjúkdóma, fátækt og erfiðleika með því að gefa þeim jólagjafir.

Nú í ár fóru nemendur á Króki með 10 fullbúna jóla-skókassa í kirkjuna en þar ætla starfsmenn að koma kössunum áleiðis til KFUM og KFUK.

Börnin voru búin að ganga vel frá kössunum og mála þá. Foreldrafélagið á Króki tók þátt í þessu verkefni ásamt Króki með því að borga sendingakostnaðinn við að senda kassana erlendis.

Frábært framtak!

• Síðast uppfært: 17. nóvember 2020