103. fundur Fræðslunefndar haldinn sem fjarfundur í Teams, 5. nóvember 2020 og hófst hann kl. 16:30.
Fundinn sátu:
Guðmundur Grétar Karlsson, formaður, Arna Björg Rúnarsdóttir, aðalmaður,
Siggeir Fannar Ævarsson, aðalmaður, Guðbjörg Gerður Gylfadóttir, aðalmaður, Smári Jökull Jónsson, áheyrnarfulltrúi, Dagmar Lilja Marteinsdóttir, áheyrnarfulltrúi, Rakel Eva Eiríksdóttir, áheyrnarfulltrúi,
Jenný Rut Guðjónsdóttir, áheyrnarfulltrúi, Fríða Egilsdóttir, leikskólastjóri,
Inga Þórðardóttir, skólastjóri, Guðbjörg Málfríður Sveinsdóttir, grunnskólastjóri, Hulda Jóhannsdóttir, leikskólastjóri.
Fundargerð ritaði: Ingibjörg María Guðmundsdóttir, Yfirsálfræðingur.
Dagskrá:
1. Leikskólahúsnæði; Aukning/stækkun - 1807010
Atli Geir gerði grein fyrir stöðunni á hönnun nýs leikskóla og sýndi myndband af honum. Hann mun skoða möguleika á að setja teikningar og stöðuna á heimasíðu til að fá ábendingar. Stefnt er að því að ljúka hönnun húsnæðis í ár. Stefnt er að hönnun leiksvæðis á næsta ári.
2. Ársskýrsla 2019-2020 og starfsáætlun 2020-2021 - Krókur - 2009002
Fram var lögð starfsáætlun Heilsuleikskólans Króks fyrir skólaárið 2020-2021 ásamt umsögn foreldra.
Fræðslunefnd samþykkir starfsáætlunina.
3. Áherslur fræðslunefndar fyrir fjárhagsáætlun 2021 - 2009005
Engar athugasemdir frá Fríðu, Ingu Þórðar og Guðbjörgu. Hulda bendir á mikilvægi þess að það væri einn samningur sem nær til allra starfsmanna skólans. Það hefur verið í vinnslu í nokkur ár án árangurs. Skólaþjónusta sótti um aukið stöðugildi sem er ekki inni eftir fyrstu umræðu.
Fræðslunefnd telur mikilvægt að endurskoða samning Skóla ehf og Grindavíkurbæjar til þess að allir starfsmenn starfi hjá sama vinnuveitanda. Fræðslunefnd telur einnig mikilvægt að endurskoða ákvörðun um aukið stöðugildi hjá skólaþjónustu til að hægt verði að anna verkefnum á sviðinu.
4. Kórónuveiran COVID-19 - 2003020
Fræðslunefnd telur mikilvægt að sett sé á laggirnar stuðningsteymi fyrir skólastjórnendur þegar aðlaga þarf skólastarf að nýjum forsendum eins og vegna óvæntra aðstæðna. Það teymi myndi funda með stjórnendum í upphafi breytinga og skapa umræðugrundvöll og samvinnu milli stjórnenda og stofnana ásamt því að halda áfram að samræma og halda upplýsingaflæði gangandi milli aðila.
Fleira ekki gert. Fundi slitið kl. 18:30.