1562. fundur bæjarráðs Grindavíkur haldinn í bæjarstjórnarsal, 3. nóvember 2020 og hófst hann kl. 16:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Hallfríður G Hólmgrímsdóttir, aðalmaður, Páll Valur Björnsson, áheyrnarfulltrúi og Helga Dís Jakobsdóttir, áheyrnarfulltrúi.
Einnig sátu fundinn:
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Sigurður Óli Þorleifsson sat fundinn í gegnum fjarfundabúnað.
Dagskrá:
1.Starfsumhverfi leikskóla og menntun kennara - 1809013
Sviðsstjóri félagsþjónustu- og fræðslusviðs sat fundinn undir þessum dagskrárlið. Páll Valur vék af fundi við umræður og afgreiðslu málsins. Leikskólastjórar leggja til aukna niðurfellingu á leikskólagjöldum til handa þeim sem kjósa að hafa börn sín heima á milli jóla og nýárs.
Bæjarráð hafnar erindinu og vísar til þess að niðurfellingin á eingöngu að taka til þeirra daga sem foreldrar kjósa að hafa börn sín heima.
2.Skólaakstur - Einstaklingserindi - 2011002
Sviðsstjóri félagsþjónustu- og fræðslusviðs sat fundinn undir þessum dagskrárlið. Sótt er um skólaakstur frá Grindavík í grunnskóla á höfuðborgarsvæðið.
Bæjarráð getur ekki orðið við erindinu.
3.Liðveisla - Beiðni um viðauka - 2011001
Sviðsstjóri félagsþjónustu- og fræðslusviðs sat fundinn undir þessum dagskrárlið. Lögð fram beiðni um viðauka fyrir árið 2020 á rekstrareininguna 02-521 Liðveisla fatlaðra að fjárhæð 5.217.000 kr. sem skiptist þannig: Á lykil nr. 1110 að fjárhæð kr. 3.950.000 og á lykil nr. 1190 að fjárhæð kr. 1.267.000. Lagt er til að viðaukinn verði með lækkun á liðnum 21611-1119 um kr. 2.000.000 og 3.217.000 kr. með lækkun á handbæru fé.
Bæjarráð leggur til við bæjarstjórn að samþykkja viðaukann.
4.Ytra mat leikskóla 2021 - 2010082
Sviðsstjóri félagsþjónustu- og fræðslusviðs sat fundinn undir þessum dagskrárlið. Menntamálastofnun auglýsir eftir sveitarfélögum sem hafa áhuga á því að fram fari ytra mat á starfi leikskóla innan þeirra, bæði þeirra sem reknir eru af sveitarfélaginu og öðrum aðilum.
Bæjarráð samþykkir að Leikskólinn Krókur óski eftir að fari fram ytra mati á starfi leikskólans.
5.Erindi frá félagsmálaráðuneytinu - 2010065
Sviðsstjóri félagsþjónustu- og fræðslusviðs sat fundinn undir þessum dagskrárlið. Ráðuneytið leitar að sveitarfélögum sem eru áhugasöm um að taka þátt í verkefni um móttöku flóttafólks sem koma til landsins á eigin vegum.
Grindavíkurbær hefur ekki tök á að taka þátt í verkefninu.
6.Umsókn um styrk til viðhalds reiðvega - 2010054
Hestamannafélagið Brimfaxi sækir um framkvæmdastyrk að upphæð kr. 5.000.000 vegna ársins 2021.
Bæjarráð vísar málinu til fjárhagsáætlunargerðar ársins 2021.
7.Golfklúbbur Grindavíkur - tengigjald ljósleiðara í golfskála GG - 2010067
Beiðni um styrk á móti tengigjöldum vegna ljósleiðara.
Bæjarráð samþykkir styrkveitinguna og leggur til við bæjarstjórn að samþykkja viðauka á árið 2020 að fjárhæð 800.000 kr. sem fjármagnaður verði með lækkun á handbæru fé.
8.Sveitarfélögin og heimsmarkmið Sameinuðu þjóðanna - 1902060
Fjölmennur fjarfundur verður haldinn 12. nóvember næstkomandi þar sem kjörnum fulltrúum verður boðið að fylgjast með og taka þátt í Suðurnesjavettvangi.
Bæjarráð felur bæjarstjóra að undirrita yfirlýsingu um að hraða innleiðingu á Hringrásarhagkerfinu.
9.Stöðuleyfi við suðurgarð- samkomulag - 2010063
Lagður fram til samþykktar samningur við Þorbjörn hf. um stöðuleyfisgjöld við Suðurgarð.
Bæjarráð samþykkir samninginn.
10.Beiðni um styrk - 2010062
Samtökin "78 óska eftir 250.000 kr. styrk.
Bæjarráð vísar málinu til sviðsstjóra frístunda- og menningarsviðs.
Fleira ekki gert. Fundi slitið kl. 17:25.