1551. fundur bæjarráðs Grindavíkur haldinn í bæjarstjórnarsal, þriðjudaginn 16. júní 2020 og hófst hann kl. 16:00.
Fundinn sátu: Hjálmar Hallgrímsson formaður, Sigurður Óli Þórleifsson varaformaður, Hallfríður G Hólmgrímsdóttir aðalmaður, Páll Valur Björnsson áheyrnarfulltrúi og Helga Dís Jakobsdóttir áheyrnarfulltrúi. Einnig sat fundinn: Fannar Jónasson, bæjarstjóri.
Fundargerð ritaði: Fannar Jónasson, bæjarstjóri.
Dagskrá:
1. Bjarg íbúðafélag - Um húsnæðissjálfseignastofnun - 2004016
Húsnæðis- og mannvirkjastofnun óskar eftir staðfestingu bæjarfélagsins vegna veitingar 12% stofnframlags til byggingar á 12 íbúðum að Víkurhópi 57 á vegum Bjargs íbúðafélags. Áætlaður heildarkostnaður er 326.861.326 kr. og hlutur Grindavíkurbæjar 39.223.359 kr. að meðtöldum gatnagerðargjöldum, tengigjöldum og byggingarleyfisgjöldum sem sem teljast hluti af stofnframlagi bæjarfélagsins.
Bæjarráð leggur til við bæjarstjórn að staðfesta stofnframlag Grindavíkurbæjar.
2. Frágangur á lóð í kringum íþróttahús - 1909018
Málinu frestað til næsta bæjarráðsfundar.
3. Styrktarbeiðni vegna búnaðar til útsendinga íþróttakappleikja - 2005092
Lögð fram styrkbeiðni frá aðalstjórn UMFG vegna kaupa á búnaði til vefútsendinga. Bæjarráð samþykkir að vísa málinu til bæjarstjórnar vegna fjárhagsáætlunargerðar fyrir 2021.
4. Greiðslur fyrir farsíma - 2001073
Lögð fram tillaga að reglum um þátttöku Grindavíkurbæjar í farsímakostnaði starfsmanna vegna nota í þágu bæjarins. Bæjarráð leggur til við bæjarstjórn að samþykkja reglurnar.
5. Starfsumhverfi leikskóla og menntun kennara - 1809013
Erindi frá starfsfólki á leikskólanum Laut og heilsuleikskólanum Króki lagt fram.
6. Erindi frá Öldungaráði Suðurnesja - 2006016
Fundargerð dags. 25. maí 2020 lögð fram.
Fleira ekki gert. Fundi slitið kl. 17:00.