1543. fundur bæjarráðs Grindavíkur haldinn í Gjánni, þriðjudaginn 24. mars 2020 og hófst hann kl. 17:00.

Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Páll Valur Björnsson, aðalmaður, Hallfríður G Hólmgrímsdóttir, áheyrnarfulltrúi,
og Helga Dís Jakobsdóttir, áheyrnarfulltrúi. 

Einnig sátu fundinn: 
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri. 

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Dagskrá:

1.     Ársuppgjör 2019 - Grindavíkurbær og stofnanir - 1912048
    Drög að rekstraryfirliti málaflokka ársins 2019 lagt fram.
        
2.     Kórónuveiran COVID-19 - 2003020
    Fundarbókanir neyðarstjórnar lagðar fram. 
        
3.     Aðgerðir til að mæta fjárhagslegum áhrifum af kórónuveirunni - 2003055
    Bæjarráð samþykkir eftirfarandi meðan á þessu ástandi vegna Covid-19 stendur þó ekki lengra en til maíloka: 

Bæjarráð samþykkir að einungis sé greitt fyrir nýtta daga í leikskóla og skólaseli og leiðrétting verður gerð á næsta reikningi. 

Bæjarráð samþykkir að greiðslur bæjarins til dagmæðra verða óskertar þrátt fyrir að dregið sé úr vistun barna. Jafnframt samþykkir bæjarráð að fella niður leigu hjá þeim dagmæðrum sem eru með starfsemi sína í húsnæði bæjarins. 

Bæjarráð felur sviðsstjóra félagsþjónustu- og fræðslusviðs að útfæra það að öll börn í grunnskóla fái mat þá daga sem þau sækja skólann í apríl. 

Bæjarráð samþykkir að veita lögaðilum, sem þess óska og eiga í rekstrarerfiðleikum vegna tekjuskerðingar, frest á greiðslu fasteignagjalda án kostnaðar. 
Um er að ræða gjalddaga mars og apríl 2020 og mögulegur gjaldfrestur er út maí 2020. 
        
4.     Tillögur að aðgerðaráætlun fyrir Suðurnes - 2003056
    Lagðar fram tillögur að aðgerðaráætlun sem S.S.S. tók saman til að leggja fyrir ríkisstjórnina.
        
5.     Jarðskjálftar og landris við Grindavík - 2001074
    Skýrsla um Eldgos og hraunflóðavá við Grindavík eftir Pál Imsland og Bjarna Richter lögð fram. 
        
6.     Jafnlaunavottun - 1902033
    Icert hefur veitt Grindavíkurbæ vottun á jafnlaunakerfi bæjarins og gildir vottunarskírteinið til 22.03.2023. Jafnframt hefur Jafnréttisstofa heimilað Grindavíkurbæ að nota Jafnlaunamerkið.
        
7.     Skýrsla landvarðar Reykjanesfólkvangs vegna 2019 - 2003053
    Skýrsla landvarðar Reykjanesfólkvangs lögð fram til kynningar.
        

Fleira ekki gert. Fundi slitið kl. 18:45.

• Síðast uppfært: 25. mars 2020