Kynningarfundur - Fjölþætt heilsuefling 65+ í Grindavík

• Fréttir
• 1. mars 2020

Grindavíkurbær hefur hafið samtarf við Janus heilsueflingu um fjölþætta heilsueflingu fyrir 65 ára og eldri. Megin viðfangsefni verkefnisins er eflandi forvarnarstarf á sviði líkams- og heilsuræktar. Kynningarfundur um verkefnið fer fram í Gjánni í dag, sunnudag, kl. 14:00. Á fundinum verður farið yfir markmið verkefnis og væntanlegan ávinning. Markmiðið er meðal annars að gera þig hæfari til að takast á við breytingar sem fylgja hækkandi aldri.

Með markvissri þátttöku í þol- og styrktaræfingum auk ráðgjafar um holla næringu og aðra heilsueflandi þætti getur þú spyrnt við fótum gegn öldrunareinkennum samhliða því að bæta heilsu þína og lífsgæði. Verkefnið hefst með heilsufarsmælingum sem eru endurteknar á 6 mánaða fresti. Verkefnið er að skila einstökum árangri hér í Reykjanesbæ og einnig í Hafnarfirði og Vestmannaeyjum.

Hægt er að sækja um þátttöku í verkefninu á: www.janusheilsuefling.is/skraning

Fjöldi þátttakenda sem við tökum inn er þó takmarkaður og bundinn við samstarfssamning við Grindavíkurbæ.

• Síðast uppfært: 1. mars 2020