1540. fundur bæjarráðs Grindavíkur haldinn í bæjarstjórnarsal, þriðjudaginn 18. febrúar 2020 og hófst hann kl. 17:00.
Fundinn sátu:
Sigurður Óli Þórleifsson, varaformaður, Páll Valur Björnsson, aðalmaður, Hallfríður G Hólmgrímsdóttir, áheyrnarfulltrúi, Helga Dís Jakobsdóttir, áheyrnarfulltrúi og Birgitta H. Ramsay Káradóttir, varamaður fyrir Hjálmar Hallgrímsson.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Varaformaður stýrði fundi í forföllum formanns.
Í upphafi fundar óskaði varaformaður heimildar til að taka á dagskrá með afbrigðum forkaupsrétt vegna sölu á fiskiskipinu Kletti GK-39, sem dagskrárlið nr. 10.
Jafnframt er þess óskað að málsnúmer 1501168, sem var 2. dagskrárliður í áður sendu fundarboði, verði fellt út, en þess í stað komi málsnúmer 1710061 - Austurvegur 1: Umsókn um byggingarleyfi.
Samþykkt samhljóða
Dagskrá:
1. Reglur um lyfjagjafir barna í skólum Grindavíkurbæjar - 1812006
Sviðsstjóri félagsþjónustu- og fræðslusviðs sat fundinn undir þessum dagskrárlið.
Lögð fram breytingatillaga á reglum um lyfjagjafir barna sem samþykktar voru 6. des. 2018. Tillagan er viðbót við reglurnar:
Jafnframt skal starfsfólk tryggja eftir mætti lyfjagjafir í öðrum tilvikum ef mælt er fyrir um það í læknisvottorði að lyfjagjöf á skólatíma sé nauðsynleg fyrir heildstæða velferð og líðan barnsins.
Bæjarráð samþykkir breytinguna.
2. Austurvegur 1: Umsókn um byggingarleyfi - 1710061
Sviðsstjóri skipulags- og umhverfissviðs sat fundinn undir þessum dagskrárlið.
Lögð fram beiðni um viðauka á fjárfestingaáætlun 2020 vegna framkvæmda við nýtt íþróttahús að fjárhæð 20.000.000 kr.
Gert hafði verið ráð fyrir að framkvæmdinni yrði lokið árið 2019 og því var ekkert áætlað á árið 2020.
Bæjarráð leggur til við bæjarstjórn að samþykkja viðaukann og að hann verði fjármagnaður með lækkun á handbæru fé.
3. Samningur við Loftmyndir ehf. vegna kortasjár - 1909204
Sviðsstjóri skipulags- og umhverfissviðs sat fundinn undir þessum dagskrárlið.
Lögð fram drög að samningi við Loftmyndir ehf vegna kortasjár.
Bæjarráð samþykkir samninginn.
4. Eignarráð og nýting fasteigna - 2002047
Lagður fram til kynningar tölvupóstur frá Sambandi íslenskra sveitarfélaga þar sem vakin er athygli á drögum að frumvarpi sem forsætisráðuneytið hefur birt til umsagnar í samráðsgátt. Markmið frumvarpsins er að skapa stjórnvöldum betri yfirsýn og möguleika til að stýra þróun eignarráða og nýtingar fasteigna.
5. Eftirlitsnefnd með fjármálum sveitarfélaga. Fjárfestingar á árinu 2019 - 1907006
Bréf frá eftirlitsnefnd með fjármálum sveitarfélaga lagt fram.
Greinargerð um fjárfestingar ársins 2019 þarf skv. bréfinu að liggja fyrir í apríl 2020.
6. Lánasjóður sveitarfélaga: Framboð til stjórnar - 1702061
Aðalfundur Lánasjóðs sveitarfélaga vegna ársins 2020 verður haldinn fimmtudaginn 26. mars nk. Gefinn er frestur til 2. mars að koma með tilnefningar eða framboð til stjórnar Lánasjóðsins.
7. Viðmiðunarreglur um framlög til stjórnmálaflokka - 2002046
Lagðar fram viðmiðunarreglur Sambands íslenskra sveitarfélaga um framlög til stjórnmálaflokka.
8. Tækifærisleyfi - Lionsklúbbur Grindavíkur - 1902051
Lögð fram beiðni um umsögn vegna leyfisumsóknar Lionsklúbbs Grindavíkur til að halda kútmagakvöld í íþróttahúsinu 6. mars nk.
Bæjarráð leggur til að leyfið verði samþykkt.
9. Almannavarnanefndir á Suðurnesjum - 2002045
Málið er á dagskrá að beiðni Hallfríðar Hólmgrímsdóttur bæjarfulltrúa.
Farið yfir stöðu mála.
10. Forkaupsréttur vegna sölu á fiskiskipinu Kletti GK-39 - 2002051
Bæjarráð samþykkir samhljóða að falla frá forkaupsrétti.
Fleira ekki gert. Fundi slitið kl. 18:05.