1538. fundur bæjarráðs Grindavíkur haldinn í bæjarstjórnarsal, þriðjudaginn 4. febrúar 2020 og hófst hann kl. 17:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður, Páll Valur Björnsson, aðalmaður, Helga Dís Jakobsdóttir, áheyrnarfulltrúi og Gunnar Már Gunnarsson, varamaður fyrir Hallfríði Hólmgrímsdóttur.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Verkalýðsfélag Grindavíkur - ósk um fund - 2001054
Málinu er frestað til næsta fundar.
2. Bílastæði við suðurhlið íþróttahúss - 1910065
Sviðsstjóri skipulags- og umhverfissviðs sat fundinn undir þessum dagskrárlið.
Fyrir liggur beiðni um viðauka að fjárhæð 16.000.000 kr. vegna bílastæðis við suðurgafl íþróttahúss. Bæjarstjórn fól bæjarráði fullnaðarákvörðun í málinu.
Bæjarráð samþykkir viðaukann og að hann verði fjármagnaður með lækkun á handbæru fé.
3. Stígur frá Grindavík vestur að gólfvelli - 2002001
Sviðsstjóri skipulags- og umhverfissviðs sat fundinn undir þessum dagskrárlið.
Tillaga að leiðarvali á göngu- og hjólastíg vestur að golfvelli lögð fram. Gert er ráð fyrir 12 milljónum í verkið á þessu ári.
Bæjarráð felur sviðsstjóra skipulags- og umhverfissviðs að vinna málið áfram.
4. Fráveita Grindavíkurbæjar - hönnun og staðarval - 2001029
Sviðsstjóri skipulags- og umhverfissviðs sat fundinn undir þessum dagskrárlið.
Áætlun hönnuða í ráðgjafavinnu við frumhönnun á fráveitukerfi Grindavíkur lögð fram.
Bæjarráð felur sviðsstjóra skipulags- og umhverfissviðs að vinna málið áfram.
5. Jarðskjálftar og landris við Grindavík - 2001074
Sviðsstjóri skipulags- og umhverfissviðs sat fundinn undir þessum dagskrárlið.
Farið yfir stöðu málsins og atburði síðustu daga. Vel hefur gengið að vinna rýmingaráætlanir fyrir stofnanir bæjarins.
Bæjarráð fer fram á að skólastjóri grunnskólans mæti til fundar við bæjarráð á morgun kl. 17:00.
6. Beiðni um um auglýsingu á Led skjá í Laugardalshöll 12. feb nk. - 2002002
Bæjarráð samþykkir 100.000 kr. af styrktarlið bæjarráðs og felur sviðsstjóra frístunda- og menningarsviðs að útfæra það nánar.
7. Kosning fulltrúa á landsþing - 1806073
Landsþing Sambands íslenskra sveitarfélaga verður haldið á Grand hóteli í Reykjavík 26. mars nk. Grindavíkurbær hefur rétt til að senda þrjá bæjarfulltrúa á landsþingið auk bæjarstjóra.
Bæjarráð felur bæjarstjóra að tilkynna landsþingfulltrúa frá Grindavíkurbæ.