Boðað hefur verið til íbúafundar í íþróttahúsinu klukkan 16:00 í dag vegna óvissuástands sem lýst hefur verið yfir vegna jarðhræringa við Þorbjörn. Fundinum verður streymt beint í gegnum YouTube rás bæjarins sem nálgast má hér.
Í lok fundarins verður samantekt á pólsku fyrir pólskumælandi íbúa.
Búast má við fjölmennum fundi og fólk er því hvatt til að skilja bílinn eftir heima eða í vinnu ef hægt er. Við minnum á stór bílastæði t.d. við Hópið, á tjaldsvæðinu og við verslunarmiðstöðina.