Jóla-Járngerđur komin út

  • Miđgarđsfréttir
  • 2. mars 2020

Járngerður, bæjarmálablað Grindvíkinga, lítur nú dagsins ljós í þriðja sinn á þessu ári. Verið er að bera blaðið í hús en það verður að sjálfsögðu aðgengilegt hér á heimasíðu bæjarins eins og önnur blöð Járngerðar. 

Blaðið að þessu sinni hefur að geyma áhugaverð viðtöl við aðila úr ýmsum áttum í Grindavík. Rætt er við þær Ernu Rún og Kristínu Heiðu sem nýlega opnuðu Portið heilsurækt, en þar er bæði hægt að fara í líkamsrækt og nudd. Þá er viðtal tekið við  nýjan verslunarstjóra hjá Kristinsson - Handmade, Sigurbjörgu Vignisdóttur, en faðir hennar Vignir Kristinsson opnaði nýverið vinnustofu og sýningarrými. Vörur Vignis,  Kristinsson-handmade hafa notið  gífurlegra vinsælda og er t.a.m. hreindýrið ein mest selda varan í Epal. 

Við spjöllum við formennina Ingiberg Þór Jónasson og Gunnar Már Gunnarsson sem starfa annars vegar fyrir körfuknattleiksdeildina og hins vegar fyrir knattspyrnudeildina. Báðir sinna þeir einnig framkvæmdastjórastöðum félaganna eins og stendur. 

Lindu í Palómu þarf ekki að kynna en hún hefur rekið einu fataverslunina í Grindavík í dag í þrettán ár. Fötin hennar njóta allaf mikilla vinsælda en hún hefur líka verið að herja á samfélagsmiðlana ásamt því að reka netverslun samhliða fataversluninni. Hún fær oft til sín hópa hvaðanæva að, gjarnan eftir lokun þar sem hægt er að máta og versla í ró og næði. 

Endurskoðuð skólastefna Grindavíkurbæjar er kynnt ásamt helstu framkvæmdum hjá skipulagssviði bæjarins. Þá fáum við innsýn í hádegismat eldri borgara í Víðihlíð og tilnefningar til íþróttamanns og íþróttakonu Grindavíkur 2019 eru kynntar. 

Það er óhætt að fullyrða að mikill meðvindur sé með okkur í Grindavík. Fólk sækist eftir að búa hér, fyrirtæki blómstra og sveitarfélagið er farið að vera valinn áfangastaður bæði erlendra ferðamanna og innlendra. Hingað eru samgöngur með besta móti bæði frá Reykjanesinu og höfuðborgarsvæðinu, enda varð langþráð krafa loksins að veruleika á árinu, að bæta Grindavíkurveginn og aðskilja akstursstefnur. 

Grindavík hefur upp á ótalmargt að bjóða. Hér er fjöldi  veitingastaða, vinsæl fataverslun og dásamleg framleiðsla fallegra hönnunarvara. Eftirspurn eftir húsnæði er umfram framboð sem segir okkur að Grindavík er bæjarfélag sem áfram sækir í sig veðrið. 

Jóla-Járngerður, 3. tbl. 2019

 


Deildu ţessari frétt

AĐRAR FRÉTTIR

Fréttir / 8. júní 2023

Sumar Ţruman fyrir 4.-7.bekk

Fréttir / 6. júní 2023

Óskilamunir í Kvikunni

Fréttir / 5. júní 2023

Knattspyrnuskóli UMFG byrjađur

Fréttir / 3. júní 2023

Fylgiđ okkur á Instagram

Fréttir / 2. júní 2023

Viđburđir kvöldsins

Fréttir / 2. júní 2023

Ekkert verkfall á Laut á mánudaginn

Fréttir / 2. júní 2023

Áttćringur vekur mikla athygli

Fréttir / 1. júní 2023

Mjög góđ afkoma hjá Grindavíkurbć

Fréttir / 1. júní 2023

Óskiptar endurvinnslutunnur

Fréttir / 31. maí 2023

Lokun gatna 2.-4. júní

Fréttir / 31. maí 2023

Sjóara síkáta mótiđ á laugardaginn

Fréttir / 31. maí 2023

Bréfpokar fyrir lífrćnan úrgang

Fréttir / 1. júní 2023

Viđburđir kvöldsins hjá einkaađilum

Nýjustu fréttir

Skert starfsemi á bćjarskrifstofu

  • Fréttir
  • 8. júní 2023

Annasamt í Grindavíkurhöfn

  • Fréttir
  • 7. júní 2023

Skólaslit í 1.-9.bekk og viđurkenningar

  • Grunnskólafréttir
  • 6. júní 2023

Fimm sjómenn heiđrađir

  • Fréttir
  • 5. júní 2023

Til hamingju međ sjómannadaginn

  • Fréttir
  • 4. júní 2023

Útskrift 10. bekkjar

  • Grunnskólafréttir
  • 2. júní 2023