Upplýsinga- og markaðsfulltrúi  óskast til starfa hjá Grindavíkurbæ

Grindavíkurbær óskar eftir að ráða upplýsinga- og markaðsfulltrúa til starfa. Um er að ræða 100% starf. 

Upplýsinga- og markaðsfulltrúi ber ábyrgð á innri og ytri upplýsinga- og markaðsmálum Grindavíkurbæjar, þar með talið ferðamálum. Hann hefur umsjón með vef bæjarins www.grindavik.is, gerð og útgáfu kynningarefnis og sér um textagerð því tengdu. Tekur þátt í stefnumótun upplýsinga- og markaðs- og ferðamála og er tengiliður Grindavíkurbæjar við hagsmunaaðila og stofnanir því tengdu. Upplýsinga- og markaðsfulltrúi starfar með umhverfis- og ferðamálanefnd.

Helstu verkefni: 
•    Umsjón með vef Grindavíkurbæjar, innri vef starfsmanna, innra fréttaritinu Þórkötlu og fréttabréfinu Járngerði.
•    Umsjón með tjaldsvæði Grindavíkurbæjar
•    Umsjón með Kvikunni
•    Fjárhagsleg ábyrgð á rekstri upplýsinga- og markaðsmála
•    Tekur þátt í uppbyggingu rafrænnar stjórnsýslu, innleiðingu upplýsingakerfa og hugbúnaðar, þróun verklags og verkferla

Menntun, reynsla og hæfniskröfur:
•    Háskólapróf sem nýtist í starfi.
•    Starfsreynsla af upplýsinga-, markaðs- og ferðamálum
•    Reynsla og þekking á málefnum sveitarfélaga er kostur
•    Reynsla og þekking á rekstri og verkefnastjórnun er kostur
•    Góð þekking á notkun samfélagsmiðla er æskileg.
•    Sjálfstæði í vinnubrögðum
•    Geta til að sýna frumkvæði og rík skipulagshæfni
•    Framúrskarandi tölvukunnátta
•    Hæfni í mannlegum samskiptum
•    Góð kunnátta í íslensku í ræðu og riti
•    Hæfni til að miðla flóknum upplýsingum á einfaldan hátt í töluðu og rituðu máli

Laun eru samkvæmt gildandi kjarasamningi Sambands íslenskra sveitarfélaga við viðkomandi stéttarfélag.

Nánari upplýsingar um starfið gefur  Jón Þórisson í síma 420-1103 eða í tölvupósti jont@grindavik.is. 

Umsóknum með upplýsingum um menntun og starfsferil skal skilað rafrænt á netfangið jont@grindavik.is Umsóknarfrestur er til og með 16. nóvember  2018. 
Æskilegt er að umsækjandi geti hafið störf sem fyrst.

 
Jón Þórisson
sviðsstjóri fjármála- og stjórnsýslusviðs

• Síðast uppfært: 1. nóvember 2018