Grindavíkurbær auglýsir stöðu byggingarfulltrúa lausa til umsóknar. Um er að ræða fjölbreytt og áhugavert starf í vaxandi bæjarfélagi. Leitað er að öflugum einstaklingi sem sýnir metnað og frumkvæði í starfi. Starfshlutfall er 100%. Æskilegt er að viðkomandi geti hafið störf sem fyrst. Konur, jafnt sem karlar, eru hvattar til þess að sækja um starfið.

Helstu verkefni:
•    Byggingareftirlit og umsjón með byggingarmálum bæjarins
•    Ráðgjöf er varðar byggingarmál ásamt afgreiðslu á lóða - og leyfisumsóknum
•    Umsjón með framkvæmdum sveitarfélagsins 
•    Framkvæmd úttekta og útgáfa leyfa ásamt staðfestingu eignaskiptayfirlýsinga
•    Samskipti við hagsmunaaðila
•    Veitustjóri vatns- og fráveitu
•    Yfirferð og samþykkt reikninga 
•    Áætlanagerðir
•    Önnur verkefni sem viðkomandi er falið af sviðsstjóra skipulags- og umhverfissviðs, þá helst verkefni er lúta að byggingarmálum

Menntunar- og hæfniskröfur:
•    Tæknimenntun á háskólastigi og löggildingu sem hönnuður skv. 25. gr. mannvirkjalaga nr. 160/2010
•    Þekking á lagnakerfum og lagnateikningum
•    Æskilegt er að viðkomandi hafi góða þekkingu og reynslu á sviði byggingarmála
•    Góð tölvukunnátta
•    Mikil samskipta- og samstarfshæfni ásamt frumkvæði og öguðum vinnubrögðum í starfi

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. 

Nánari upplýsingar um starfið veitir Sigurður Ólafsson, sviðsstjóri skipulags- og umhverfissviðs, í síma 420 1100 og með tölvupósti til sigurdur@grindavik.is Umsóknarfrestur er til og með 22. október nk. og skulu umsóknir sendar á framangreint netfang eða berast bæjarskrifstofu Grindavíkurbæjar að Víkurbraut 62, 240 Grindavík, merkt „Byggingarfulltrúi – umsókn“. Umsókn þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið

• Síðast uppfært: 11. október 2018