Vel heppnað opnunarpartý Þrumunnar

• Fréttir frá Þrumunni
• 8. október 2018

Nemenda- og Þrumuráð stóðu fyrir opnunarpartýi í Hópinu föstudaginn 14. september síðastliðinn. Í fyrra var ákveðið að breyta út af vananum og halda opnunarpartý í staðinn fyrir opnunarball eins og haldin höfðu verið undanfarin ár. Um 90 unglingar í 7.-10. bekk mættu á viðburðinn.

Opnunarpartýið í ár gekk vonum framar. Nemenda- og Þrumuráð stóð vaktina í sjoppunni, starfsfólk Þrumunnar stjórnaði bubble-boltamóti, hægt var að fara í tvo hoppukastala, slaka á og hlusta á góða tónlist.

Það er ánægjulegt að sjá hve skapandi unglingarnir í nemenda- og Þrumuráði eru og hve góðar hugmyndir þeir fá. 

• Síðast uppfært: 8. október 2018