Í samræmi við ákvæði skipulagslaga nr. 123 frá 2010 veitti Grindavíkurbær, þann 1. september 2017, Ístak hf. framkvæmdaleyfi fyrir efnistöku í Stapafelli sem liggur innan sveitarfélagamarka Grindavíkur. Skipulagsnefnd Grindavíkur samþykkti umsókn Ístaks hf. um framkvæmdaleyfið á fundi nefndarinnar þann 21. ágúst 2017 og bæjarstjórn Grindavíkur á fundi sínum þann 29. ágúst 2017. Álit Skipulagsstofnunar um umhverfisáhrif framkvæmdarinnar, skv. ákvæði laga um mat á umhverfisáhrifum nr. 106 frá 2000, liggur fyrir í áliti Skipulagsstofnunar frá 10. júlí 2017. Í álitinu er fjallað um „Efnistaka Ístaks í Stapafelli, Grindavíkurbæ"

Framkvæmdaleyfið og tengd gögn má nálgast á heimasíðu Grindavíkurbæjar eða hjá skipulagsfulltrúa á netfangið armann@grindavik.is eða í síma 4201100

Í samræmi við 4. gr. laga nr. 130 frá 2011, um úrskurðarnefnd umhverfis- og auðlindamála, er vakin athygli á því að þeir sem eiga lögvarinna hagsmuna að gæta sem og umhverfis- og útivistarsamtök með minnst 30. félaga, enda samrýmist tilgangi samtakanna að gæta þeirra hagsmuna sem kæran lýtur að, geta kært útgáfu leyfisins innan mánaðar frá birtingu auglýsingar í lögbirtingablaðinu sem er fyrirhuguð 3. nóvember nk. til úrskurðarnefndar umhverfis- og auðlindamála, Skuggasundi 3, 101 Reykjavík, sjá nánar heimasíðu nefndarinnar uua.is.

Grindavík, 1. september 2017.

F.h. Grindavíkurbæjar,
Ármann Halldórsson
Skipulagsfulltrúi

Fylgiskjöl:

 Álit Skipulagsstofnunar
 Greinagerð - framkvæmdalýsing
 Matsskýrsla
 Viðbragðsáætlun vegna spilliefna
 Yfirlitskort

• Síðast uppfært: 1. september 2017