Alexander Veigar og Petrúnella íþróttafólk ársins 2016

• Sund
• 31. desember 2016

Knattspyrnumaðurinn Alexander Veigar Þórarinsson og körfuknattleikskonan Petrúnella Skúladóttir voru í dag kjörin íþróttamaður og íþróttakona Grindavíkur 2016 við hátíðlega athöfn í Gjánni. Alexander var lykilmaður í liði Grindavíkur sem vann sér sæti í Pepsi-deildinni í sumar og Petrúnella var einn af burðarásum liðs meistaraflokks kvenna sem lék til úrslita á Íslandsmótinu síðastliðið vor.

Allar deildir UMFG og Golfklúbbur Grindavíkur tilnefndu íþróttamenn og íþróttakonur ársins úr sínum röðum. Valnefndin samanstendur af stjórn UMFG og frístunda- og menningarnefnd. Það voru þeir Atli Geir Júlíusson fyrir hönd frístunda- og menningarnefndar og Sigurður Enoksson formaður UMFG sem veittu viðurkenningarnar. Kjörinu stjórnaði Erlingsdóttir, sviðsstjóri frístunda- og menningarsviðs og myndataka var í höndum Siggeirs F. Ævarssonar sem naut dyggs stuðnings Höddu Guðfinnsdóttur við undirbúning og uppsetningu.

Tilnefningar í kjör á íþróttakonu Grindavíkur 2016

Linda Eshun
tilnefnd af knattspyrnudeild UMFG

Marjani Hin Glover
tilnefnd af knattspyrnudeild UMFG

Petrúnella Skúladóttir
tilnefnd af körfuknattleiksdeild UMFG

Sigrún Sjöfn Ámundadóttir
tilnefnd af körfuknattleiksdeild UMFG

Svanhvít Helga Hammer
tilnefnd af Golfklúbbi Grindavíkur

Valgerður S. Valmundardóttir
tilnefnd af Hestamannafélaginu Brimfaxa

Þrjár efstu í kjöri á íþróttakonu ársins voru:

Í 3. sæti með 47 stig var Linda Eshun
Í 2. sæti með 51 stig stig var Sigrún Sjöfn Ámundadóttir.
Í 1. sæti með 54 stig var Petrúnella Skúladóttir.

Tilnefningar í kjör á íþróttamanni Grindavíkur 2016

Alexander Veigar Þórarinsson
tilnefndur af Knattspyrnudeild UMFG

Björn Berg Bryde
tilnefndur af Knattspyrnudeild UMFG

Jón Axel Guðmundsson
tilnefndur af Körfuknattleiksdeild UMFG

Ómar Örn Sævarsson
tilnefndur af Körfuknattleiksdeild UMFG

Kristinn Sörensen
tilnefndur af Golfklúbbi Grindavíkur

Rúrik Hreinsson
tilnefndur af Hestamannafélaginu Brimfaxa

Sigurður Bergmann
tilnefndur af Hjóladeild UMFG

Sigurpáll Albertsson
tilnefndur af Judodeild UMFG

Þrír efstu í kjörinu á íþróttamanni ársins voru:

3. sæti með 25 stig er Sigurpáll Albertsson.
2. sæti með 82 stig er Jón Axel Guðmundsson.
1. sæti með 88 stig af 100 mögulegum er Alexander Veigar Þórarinsson.

Handhafar hvatningaverðlauna UMFG 2016

Nánar verður fjallað um verðlaunin og verðlaunahafa á nýju ári. Fleiri myndir verða einnig birtar á Facebook-síðu bæjarins eftir helgi.

• Síðast uppfært: 31. desember 2016