Unnið er að deiliskipulagi fyrir Gamla bæinn í Grindavík. Hluti af vinnunni fellst í að skrá þau hús sem fyrir eru á svæðinu og sögu þeirra til að unnt sé að meta varðveislugildi þeirra. Mikilvægt er að afla sem bestra upplýsinga frá staðkunnugum um húsin og því auglýsir Grindavíkurbær hér með eftir athugasemdum og viðbótum við þá skráningu sem þegar hefur farið fram. Sérstaklega er verið að falast eftir upplýsingum um fyrri eigendur, byggingarefni, breytingasögu og hlutverki húsanna. Einnig óskar bærinn eftir myndum af húsunum sem teknar eru sem næst byggingarári þeirra.

Gerð varðveislumats út frá skráðum upplýsingum verður í höndum Hjörleifs Stefánssonar, arkitekts og sérfræðings í húsaverndun og sögu íslenskrar byggingalistar.

Þess er óskað að upplýsingarnar séu sendar á póstfangið armann@grindavik.is merktar Húsakönnun fyrir 10. september 2014. Einnig er hægt að hafa samband símleiðis eða skila ábendingum inn skriflega. Vinsamlegast gætið að því að merkja vel hvaða hús fjallað er um og geta heimilda og ljósmyndara ef við á.

Fyrstu drög að könnuninni eru aðgengileg hér (pdf skjal)

• Síðast uppfært: 31. júlí 2014