Rekstur líkamsrćktar í sundmiđstöđ Grindavíkur

  • Fréttir
  • 20. júní 2014

Grindavíkurbær óskar eftir samstarfi við áhugasama aðila um rekstur líkamsræktar í Sundmiðstöð Grindavíkur frá 1. desember 2014. Líkamsræktaraðstaðan verður í um 400 m2 rými þar sem núverandi búningsklefar og líkamsrækt eru í sundmiðstöðinni. Áætlað er að aðstaðan verði laus til framkvæmda 1. desember 2014. Miðað er við að líkamsræktarstöðin opni í janúar 2015.

Í íþróttamiðstöðina koma á ári hverju 60 til 70 þúsund gestir og þar af eru um 25 þúsund sundlaugargestir á almenningstímum. Unnið er að byggingu nýrrar aðstöðu við íþrótta- og sundmiðstöð Grindavíkur og er ný og stærri líkamsræktarstöð hluti af því. Í Grindavík er öflugt og fjölbreytt íþróttastarf og íbúar um 2900.

Skriflegum tilboðum skal skilað inn á bæjarskrifstofu Grindavíkurbæjar , eða á netfangið grindavik@grindavik.is merkt Líkamsrækt fyrir 27. júní næstkomandi .

Tilboðsgjafar eru hvattir til að kynna sér aðstöðuna áður. Þeir sem vilja kynna sér starfsemi íþróttamiðstöðvar Grindavíkur og skoða verðandi húsnæði líkamsræktarstöðvar eru vinsamlega beðnir að hafa samband við Þorsteinn Gunnarsson, sviðsstjóra frístunda- og menningarsviðs, í síma 6969234 eða á netfangið thorsteinng@grindavik.is

Nánari lýsing
Meðal markmiða Sundmiðstöðvar Grindavíkur er að efla almenningsíþróttir og fjölga sundlaugargestum. Í ljósi þess er skilyrt að tilboðsgjafi greiði aðgang í sundlaug fyrir viðskiptavini sína. Sett verður upp sérstök gjaldskrá vegna magnkaupa á árskortum í sundlaug. Sundmiðstöðin leggur til þjónustu í afgreiðslu og ræstingu.

Í tilboði skal koma fram áætlað verð á líkamsræktarkortum til notenda og tilboð til Sundmiðstöðvar Grindavíkur um leigu fyrir aðstöðuna. Jafnframt skal koma fram lýsing á þeirri þjónustu sem boðið verður upp á, svo sem í tækjasal og opnum leikfimitímum. Gerð er krafa um að í húsnæðinu verði aðstaða fyrir sjúkraþjálfun, sem leigutaki framleigir.

Tilboðsgjafi skal leggja til allan tækjabúnað líkamsræktarsalarins. Aðeins tæki og búnaður frá viðurkenndum framleiðendum líkamsræktartækja koma til greina. Við mat á tilboðum verður meðal annars litið til lýsingar rekstraraðila á fjölda tækja, gerð þeirra og gæða.

Tilboðsgjafi skal greiða allan kostnað vegna markaðsmála líkamsræktarinnar svo sem auglýsingar, kostunarsamninga og fleira.

Tilboðsgjafi skal tryggja að allir sem kaupa kort í líkamsrækt fái vandaða leiðsögn og undirbúning um notkun tækja og þjálfun áður en þjálfun hefst og bjóða upp á reglulega aðstoð fyrir viðskiptavini. Í tilboði skal koma fram lágmarksviðvera starfsmanna á viku.

Sundmiðstöð Grindavíkur leggur til húsnæði undir starfsemina í núverandi mynd. Breytingar á húsnæðinu eru á kostnað leigutaka. Gert er ráð fyrir leigusamningi til 5 ára.

Við mat á tilboðum verður horft til verðs á líkamsræktarkortum til notenda, endurgjalds fyrir aðstöðuna og fyrirkomulag þjónustu.


Deildu ţessari frétt

AĐRAR TILKYNNINGAR

Fréttir / 3. september 2021

Lóđir viđ Ufsasund lausar til umsókna

Höfnin / 23. ágúst 2021

Viđgerđ á stofnstreng í smábátahöfn

Höfnin / 4. júní 2021

Landađur afli 1 jan til 31 maí 2021

Fréttir / 18. maí 2021

Rafrćn umsókn um garđslátt

Höfnin / 28. apríl 2021

Breyttar vaktir hafnastarfsmanna

Fréttir / 8. apríl 2021

Vinnuskóli og sumarstörf 2021

Fréttir / 26. febrúar 2021

Nýtt geymslusvćđi viđ Eyjabakka

Höfnin / 18. janúar 2021

Vinna viđ nýju innsiglingabaujuna

Skipulagssviđ / 21. desember 2020

Ađalskipulag Grindavíkur 2018-2032

Fréttir / 25. nóvember 2020

Viđhald gatnalýsingar í Grindavík

Nýjustu fréttir

Bangsaspítali í Kvikunni

  • Fréttir
  • 26. október 2021

Villibráđakvöld á Fish House

  • Fréttir
  • 26. október 2021

Fjörugur föstudagur 3. desember

  • Fréttir
  • 25. október 2021

Svo skemmtilegt í heimilisfrćđi!

  • Grunnskólafréttir
  • 21. október 2021