Fyrirlestur um sérþarfir nemenda í tónlistarkennslu

• Tónlistaskólafréttir
• 8. mars 2022

Síðastliðinn miðvikudag var haldinn sameiginlegur starfsdagur tónlistarskólanna á Suðurnesjum, TónSuð. Ásta Björk Björnsdóttir, sérkennsluráðgjafi, hélt fyrirlestur um algenga námsörðugleika nemenda og þær áskoranir sem þeim getur fylgt fyrir nemendur tónlistarkennara s.s. vegna kvíða, ADHD, lesblindu, einhverfu o.fl. Sérstök áhersla var lögð á það hvernig hægt er að mæta þessum áskorunum í tónlistarkennslu. Flestir tónlistarkennararnir könnuðust við að hafa kennt nemendum með einhverskonar námsörðugleika og gott var að fá hugmyndir og umræður um hvernig hægt er að bregðast við á ýmsa vegu. Kennurum var skipt í hópa og unnu þeir verkefni og ræddu þau eftir á.

Starfsdagurinn var faglegur, skemmtilegur og mjög gagnlegur. 

• Síðast uppfært: 8. mars 2022