Stórskemmtileg 100 daga hátíð hjá 1.bekk

• Grunnskólafréttir
• 2. febrúar 2023

Nemendur 1.bekkjar fögnuðu því í vikunni að þau hafa nú verið grunnskólanemendur í 100 daga. Haldið var upp á daginn með ýmsum hætti og mátti sjá bros á hverju andliti hjá stoltum nemendum.

Það var ýmislegt brallað þennan daginn. Unnin voru verkefni sem tengdust tugum og hundruðum og í lok dagsins var horft á mynd þar sem boðið var upp á góðgæti sem talið var í tugum. Margir nemendur höfðu orð á því að þetta væri besti dagurinn þeirra í skólanum og jafnvel lífsins hjá einhverju þeirra. 

Dagurinn var ótrúlega vel heppnaður og nemendur allir kátir og glaðir.

Hér fyrir neðan má sjá myndir frá 100 daga hátíðinni.

• Síðast uppfært: 2. febrúar 2023