Stóra upplestrarkeppnin var haldin í Stóru-Vogaskóla 28.apríl síðastliðinn. Grunnskólarnir í Suðurnesjabæ, Grindavík og Stóru Vogaskóla halda sameiginlega lokahátíð. Þátttakendur okkar voru þær Arna María Einarsdóttir, Helena Rós Ellertsdóttir og Salka Eik Nökkvadóttir. Elenborg Ýr Elmarsdóttir lék á gítar. Allir þessir nemendur stóðu sig með mikilli prýði og óx þeim ásmegin með hverri æfingu. Það er einmitt ferlið sem málið skiptir að nemendur verði betri með því að ástunda upplesturinn. Valdís Kristinsdóttir kennari sér um að þjálfa og kenna upplesturinn.
Sigurvegari að þessu sinni var Oddný Lilja Eckard frá Sandgerðisskóla, í öðru sæti var Bjarni Dagur Jónsson og Finnbjörn Þorvaldur Þorvaldsson í þriðja sæti þeir kepptu báðir fyrir hönd Gerðaskóla
Á vef Stóru upplestrarkeppninnar sem á sér langa sögu má lesa eftirfarandi:
Keppnin skiptist í tvo hluta, ræktunarhluta og keppnishluta.
Ræktunarhlutinn er sá hluti upplestrarkeppninnar sem mestu máli skiptir. Hann miðast við tímabilið frá degi íslenskrar tungu fram í lok febrúar. Á þessu tímabili er lögð sérstök rækt við vandaðan upplestur og framburð í hverjum bekk.
Hátíðarhlutinn er það sem kalla mætti hina eiginlegu „keppni“. Hann er í tvennu lagi. Annars vegar er upplestrarhátíð í hverjum skóla í lok febrúar þar sem tveir til þrír nem¬endur eru valdir til áframhaldandi þátttöku í keppninni fyrir hönd skólans. Hins vegar er lokahátíð í héraði, sem haldin er í góðum samkomusal í byggðarlaginu í mars. Þar koma saman fulltrúar skólanna í héraðinu, einn, tveir eða þrír úr hverjum skóla, og lesa ljóð og laust mál sem þeir hafa undirbúið vandlega.
Salka Eik Nökkvadóttir, Helena Rós Ellertsdóttir og Arna María Einarsdóttir fulltrúar Grunnskóla Grindavíkur.
Elenborg Ýr Elmarsdóttir lék á gítar.