Eins og kom hefur fram, m.a. í fjölmiðlum, þá er viðbúið að skólastarf raskist eitthvað næstu vikur vegna Covid19. Við munum hins vegar reyna eftir megni að halda úti sem mestu skólastarfi hér í Grunnskóla Grindavíkur.
Mikilvægt er að þið haldið börnum ykkar heima ef þau eru með einkenni sem benda til covid og farið með þau í PCR próf.
Foreldrar/forráðaaðilar eða aðrir gestir eiga ekki að koma inn í skólann nema brýna nauðsyn beri til og gæta þá vel að sóttvörnum.
Ef börn ykkar eru í einangrun eða sóttkví eða af einhverjum ástæðum koma ekki í skólann fyrstu skóladaga þessa árs þá vinsamlegast látið vita á skrifstofu skólans með því að senda okkur tölvupóst; skolinn@grindavik.is eða hringja í 4201200.
Hér á eftir fylgir skipulag sem gildir þar til ný reglugerð tekur gildi um miðja næstu viku, þess ber þó að geta að skipulagið verður í stöðugri endurskoðun og getur breyst með skömmum fyrirvara.
Yngsta stig
Yngsta stig skólans verður fyrir hvað minnstum breytingum og er það von okkar að lítil röskun verði á þeirra skólastarfi.
Við viljum biðja þá foreldra sem geta að koma með börnin í skólann sem næst klukkan 08:00 til að koma í veg fyrir óþarfa hópamyndanir áður en kennsla hefst.
Skólasel
Mikið álag er núna á Skólaseli m.a. vegna fjarveru starfsfólks. Við biðlum því til þeirra foreldra sem tök eiga á að sækja börnin fyrr af Skólaselinu eða jafnvel taka þau heim strax að lokinni kennslu.
Miðstig
Helsta breyting miðstigs er sú að skóla lýkur kl. 13:00 (þeir nemendur sem eru í sundi eða íþróttum í eða eftir hádegi klára daginn þar).
Aðrar breytingar, s.s. mötuneyti, eru þess eðlis að þær eru allar innan tímaramma hér í skólanum og verða yfirfarnar af umsjonarkennurum og nemendum saman.
Unglingastig
Nemendur í 7. - 10. bekk fara heim kl. 12 nema þeir eigi íþróttir eða sund eftir 12:00, þeir tímar verða áfram samkvæmt stundatöflu (nemendur mega ekki bíða í skólanum eftir þessum tímum). Er þetta tilkomið vegna fjöldatakmarkana í mötuneytinu en þar er salurinn upptekinn til klukkan 13:00.
Því miður getur Skólamatur ekki boðið upp á að taka samlokur með sér heim eins og við óskuðum eftir. Þá verður matsalan ekki opin í fyrri frímínútum morgunsins og því er MJÖG mikilvægt að nemendur komi með nesti að heiman.