Úrslit spurningakeppni elsta stigs lauk í morgun með sigri 10. A á 9.R. Í sigurliði 10.A voru eftirtaldir nemendur: Edda Geirdal Kjartansdóttir, Kristín Björg Ómarsdóttir, Jón Emil Karlsson og um leik sá Bergsveinn Ellertsson.Í liði 9.R voru eftirtaldir nemendur: Jón Eyjólfur Stefánsson, Sigurður Bergvin Ingibergsson, Tómas Breki Bjarnason og um leik sá Arna Lind Kristinsdóttir. Öll stóðu þau sig vel og lögðu sitt af mörkum. Nemendur eflast í að vinna saman í liði og að koma fram og svo þarf að æfa og setja sig inn í hin ýmsu mál.
Fyrsta viðureignin hófst fyrir tæpum mánuði en 7., 8., 9., og 10. bekkir taka þátt í þessari keppni sem á sér langa sögu í skólanum. Það var mál manna eins og sagt er að keppnin hafi í heild verið jöfn og spennandi og nemendur hafi notið þess að fylgjast með. Þar sem fjöldatakmarkanir voru af kunnum ástæðum var brugðið á það ráð að streyma á fésbókarsíðu skólans í beinni í morgun. Mæltist það vel fyrir og gátu þá allir nemendur og foreldrar fylgst með. Höfundar spurninga og starfsfólk koma úr röðum starfsfólks skólans, um tíma- og stigavörslu sá Hrafnhildur Guðjónsdóttir, Valdís Inga Kristinsdóttir var dómari og Rannveig Guðmundsdóttir spyrill.