Áhrif kvennaverfalls á þjónustu Grindavíjkurbæjar

• Lautarfréttir
• 19. október 2023

Konur og kynsegin fólk hafa verið hvött til að leggja niður launaða og ólaunaða vinnu þann 24. október nk. líkt og konur gerðu þegar fyrst var boðað til kvennafrís árið 1975. Þá lögðu 90% kvenna niður störf á Íslandi til að sýna fram á mikilvægi vinnuframlags kvenna fyrir samfélagið.  

Ljóst er að starfsemi Grindavíkurbæjar kemur til með að skerðast verulega án vinnuframlags kvenna. Grindavíkurbær tekur undir þau meginmarkmið kvennaverkfalls að hefðbundin kvennastörf, jafnt launuð sem ólaunuð, skuli meta að verðleikum og mun sem vinnuveitandi gera sitt besta til að tryggja að vinnuframlag kvenna og kvára sé sýnilegt og að sem flest þeirra geti tekið þátt í baráttudeginum 24. október, að hluta eða í heild.

Í bréfi frá skipuleggjendum kemur fram ríkur skilningur á því að sum starfsemi sé þess eðlis að ekki sé hægt að leggja störf alfarið niður án þess að stofna öryggi og heilsu fólks í hættu.

Starfsemi stofnana Grindavíkurbæjar þann 24. október verður með eftirfarandi hætti:

Bókasafn Grindavíkur: Lokað

Bæjarskrifstofur: Skert starfsemi

Félags- og fræðsluskrifstofa: Lokað

Félagsmiðstöðin Þruman: Skert starfsemi (opið milli kl. 20 og 22)

Grunnskóli Grindavíkur: Skert starfsemi (tilkynning verður send á foreldra)

Heimilishjálp og öldrunarþjónusta: Óbreytt starfsemi

Íþróttamannvirki Grindavíkurbæjar: Skert starfsemi 

Kvikan: Lokað

Leikskólinn Laut: Lokað

Sambýlið Túngötu: Óbreytt starfsemi

Skólasel: Lokað

Slökkvilið Grindavíkurbæjar: Óbreytt starfsemi 

Tónlistarskóli Grindavíkur: Skert starfsemi (tilkynning verður send á foreldra)

Þjónustumiðstöð Grindavíkurbæjar: Óbreytt starfsemi

• Síðast uppfært: 19. október 2023