Ævintýraferðir í Laut
Í ástandinu undanfarið hafa elstu börnin okkur í Laut lítið sem ekkert farið í heimsóknir líkt og í Grunnskólann o.fl. Þá fékk hún Laufey okkar sem er sérkennslustjóri/ iðjuþjálfi við Laut snilldarhugmynd og henni var hrint í framkvæmd í morgun.
Við auglýstum eftir kúlutjaldi sem við fengum gefins og þökkum við kærlega fyrir skjóta viðbrögð. Síðan í morgun var lagt af stað með bakpoka, tjald, heitt kakó, málmleitartæki, sjónauka, stækkunargler. Slegið var upp tjaldbúðum fyrir neðan Eyjabyggðina í hrauninu og leitað af fjársjóði. Börnin sáu hesta og margt fleira því ýmislegt skemmtilegt leynist í hrauninu. Nú svo kom náttúrulega hellirigning og þá var nú gott að leita skjóls í tjaldinu og gæða sér á heitu kakói , kexi og mandarínum. Stefnt er að því að allar Stjörnurnar okkar fái að fara í Ævintýraferð á næstu vikum.