Myndband: Sjór flæðir yfir hafnarbakka í Grindavíkurhöfn

• Höfnin
• 21. febrúar 2019

Mikill sjór gengur nú yfir hafnarbakka við Kvíabryggju í Grindavík og hafa kör flotið alla leið upp að pöllum við Kvikuna. Hæsta sjávarstaða er núna og mikið flóð og ganga öldur beint inn í höfnina. Sigurður Kristmundsson, hafnarstjóri sagði í samtali við heimasíðuna að mestu áhyggjurnar væru úti við Viðlagasjóðsbryggjuna, sem liggur austast. Verið er að vakta svæðið og eru menn í viðbragðsstöðu ef bátar losna frá bryggju. Bátur Björgunarsveitarinnar Þorbjarnar, Oddur V. Gíslason og hafnsögubáturinn Bjarni Þór, eru í viðbragðsstöðu. Sigurður sagði ekkert hægt að leggja mat á tjón að svo stöddu. Meðfylgjandi myndar voru teknar nú í kvöld þegar flæddi yfir. 

• Síðast uppfært: 14. október 2020