Starfsemi félagsmiðstöðvarinnar Þrumunnar er nú komin á fullt skrið. Þar fer fram ýmiskonar frístundastarf fyrir alla aldurshópa. Markmið Þrumunnar: VIRKNI - VELLÍÐAN - VIRÐING - VÍÐSÝNI.
Starfsemi Þrumunar tekur mið af æskulýðslögum nr. 70 frá 2007 en tilgangur þeirra er að styðja börn og ungmenni til þátttöku í æskulýðsstarfi. Með æskulýðsstarfi er átt við skipulagða félags- og tómstundastarfsemi þar sem börn og ungmenni starfa saman í frístundum sínum að hugsjónum, markmiðum og áhugamálum sem þau sjálf meta að verðleikum. Í skipulögðu æskulýðsstarfi skal hafa í huga félags-, forvarna-, uppeldis- og menntunarlegt gildi þess sem miðar að því að auka mannkosti og lýðræðisvitund þátttakenda. Í öllu starfi með börnum og ungmennum skal velferð þeirra höfð að leiðarljósi og þau hvött til frumkvæðis og virkrar þátttöku.
Starfsemi Þrumunnar mun byggjast á því að gera þá sem starfsemina stunda VIRKA, að þeir finni fyrir VELLÍÐAN í Þrumunni, að þeir beri VIRÐINGU fyrir náunganum og sínu nærumhverfi og síðast en ekki síst að þeir öðlist meiri VÍÐSÝNI á lífið við það að taka þátt í starfssemi hennar.
Opnunartími Þrumunnar er sem hér segir:
Opið fyrir 8. - 10. bekk: Mánudaga og miðvikudaga frá 20:00 - 22:00 og föstudaga frá 19:30 - 22:00
Starfsemi fyrir 5. - 7. bekk verður auglýst sérstaklega í skólanum.
Nánari upplýsingar um dagskrá Þrumunnar má finna á heimasíðu Grindavíkurbæjar,
www.grindavik.is/thruman sem og á Facebook síðu Þrumunnar.