Salty Tours fær frábæra dóma

• Fréttir
• 22. ágúst 2012

Ferðaþjónustufyrirtækið Salty Tours í Grindavík hefur fengið frábæra dóma á ferðavefnum Tripadvisor sem sérhæfir sig í umsögnum gesta um ferðaþjónustufyrirtæki, veitingastaði, gististaði, flugfélög, sumarhús. Fyrirtækið er í 11. sæti af 112 ferðaþjónustufyrirtækjum sem bjóða upp á ferðir frá Reykjavík.

Að sögn Þorsteins Gunnars Kristjánsson eigenda Salty Tours sem sérhæfir sig í skoðunarferðum, eru þetta góð meðmæli með þeirri þjónustu sem hann býður upp á. Umsagnir gesta um þjónustuna má sjá hér á heimasíðu Tripadivsor en þar má sjá fyrirsagnir eins og „Besti túr sem ég hef farið í", „Ferð með persónulega þjónustu", „Frábært" og margt fleira.

Hér má sjá sjá heimasíðu Salty Tours en sem viðurkenningu fyrir frábæra umsagnir gesta fékk Þorsteinn Gunnar bréf frá Tripadvisor þar sem tilkynnt er að síðan muni sérstaklega mæla með fyrirtækinu.

• Síðast uppfært: 22. ágúst 2012