Lið Grindavíkur í 1. deild kvenna í knattspyrnu tapaði 2 - 3 gegn HK/Víking á Grindavíkurvelli í gærkvöldi. Gestirnir byrjuðu betur og komust í 1 - 0 á 25. mín. Heimastúlkur jöfnuðu metin á 33. mín. og þar var að verki Rebekka Salicki sem skoraði úr vítaspyrnu. Staðan í leikhléi var því 1 - 1. Heimastúlkur byrjuðu betur í seinni hálfleik og voru mun ákveðnari og á 51. mín. komust þær yfir með marki Margrétar Albertsdóttur. Fljótlega eftir það náðu gestirnir yfirtökum í leiknum og skoruðu tvö mörk. Lokastaðan 2 - 3 tap og liðið er í næstneðsta sæti b-riðils 1. deildar.