Þóra Arnórsdóttir heimsótti Grindavík

• Fréttir
• 8. júní 2012

Þóra Arnórsdóttir og eiginmaður hennar Svavar Halldórsson heimsóttu Grindavík í morgun í blíðskaparveðri og komu við á bæjarskrifstofunum, Víðihlíð, Miðgarði, Heilsuleikskólanum Króki og enduðu svo í hádeginu á Sjómannastofunni Vör.
Stuðningsmenn Þóru nýttu tækifærið og færðu Þóru gjöf til að minna hana á góða heimsókn til Grindavíkur en það var fallegt orkerað hálsmen eftir Toggu, (Þorgerði Kjartansdóttur). Þóra hrósaði Grindvíkingum fyrir einstaklega fallegt bæjarfélag og að það mætti skynja kraft, jákvæðni og samheldni á þeim stöðum sem hún heimsótti í Grindavík sem vonandi endurspeglaði bæjarfélagið.

Þóra á spjalli við Valgerði Guðmundsdóttur, elsta núlifandi Grindvíking.

Svavar eiginmaður Þóru lýtur eftir yngsta barni þeirra hjóna.

• Síðast uppfært: 8. júní 2012