Frábær laugardagur á Sjóaranum síkáta í veðurblíðunni

• Fréttir
• 3. júní 2012

Hátíðarhöld Sjóarans síkáta í Grindavík hafa gengið afar vel fram að þessu og farið einstaklega vel fram í einmuna veðurblíðu. Ótrúlegur fjöldi fólks hefur lagt leið sína til Grindavíkur á Sjóarnan síkáta og sókn á tjaldsvæðið hefur slegið öll fyrri met. Góður bragur hefur verið á hátíðarhöldunum í blíðunni en opinber hitamælir bæjarins við Vísi fór í 20 gráður.

Í gær, laugardag, var þétt dagskrá frá morgni til kvölds fyrir alla fjölskylduna og gekk hún mjög vel. Mikill fjöldi var í bænum í gær og í gærkvöldi voru bílastæði í bænum víða full og greinilegt að afar gestkvæmt var um allan bæ. Að sögn lögreglu fór allt vel fram í nótt þrátt fyrir mannfjöldann og voru dansleikir afar vel sóttir.

Hér má sjá nokkrar myndir frá hátíðarhöldunum en fleiri myndir eru væntanlegar.

• Síðast uppfært: 3. júní 2012