Þá er niðurtalningin fyrir Sjóarann síkáta hafin. Hátíðin verður 1.-3. júní nk. Dagskráin verður birt í heild sinni næsta miðvikudag. Stóru tónleikarnir í íþróttahúsinu á sunnudagskvöldinu 3. júní verða að þessu sinni með einni vinsælustu hljómsveit landsins, VALDMAR, og hefjast þeir kl. 21:00.
Miðaverð er 3.500 kr., en 3.000 kr. í forsölu sem verður fimmtudaginn 24. maí kl. 16.00-18.00 í verslunarmiðstöðinni og einnig frá kl, 20.00-22.00 í húsi björgunarsveitarinnar sama dag. Einnig verður hægt að kaupa miða hjá Ginnu í bókabúð Grindavikur. Allur ágóði rennur til björgunarsveitarinnar Þorbjarnar í Grindavík
Léttar veitingar verða til sölu fyrir tónleika og í hléi.