Umhverfisnefnd Grindavíkurbæjar afhenti á þriðjudaginn fimm aðilum viðurkenningar fyrir snyrtilega garða og umhverfi.  Gunnlaugur Dan Ólafsson og Stefanía Guðjónsdóttir fengu viðurkenningu fyrir mjög fallegan, gróinn og vel hirtan garð að Staðarhrauni 10.  Gylfi Halldórsson og Margrét Guðmundsdóttir fengu viðurkenningu fyrir vel skipulagðan og fallegan garð að Höskuldarvöllum 19.  P. Gíslason steinsögun fékk viðurkenningu fyrir góða og faglega umhyrðu á Kirkjugarði Grindavíkur.  Þá fengu Ragnar Leó Schmidt og Elva Björk Guðmundsdóttir Borgarhrauni 3 viðurkenningu fyrir vel uppgert eldra hús og umhverfi þess.  Að þessu sinni hlaut fyrirtækið Gjögur hf. viðurkenningu fyrir endurbætur á húsnæði sínu að Hafnargötu 18.  Með þessum viðurkenningum vill Grindavíkurbær hvetja alla til að fegra umhverfi sitt.