Forseti Íslands ásamt forseta Grikklands í opinbera heimsókn til Grindavíkur 6. júlí

• Fréttir
• 4. júlí 2006

Fimmtudaginn 6 júlí koma forsetahjón íslands ásamt Forsetahjónum Grikklands og fylgdarliði til Grindavíkur. Fyrsti áfangastaður er heimsókn í fyrirtækið Vísir h/f en þar mun Pétur Pálsson framkvæmdastjóri og starfsfólk fyrirtækisins kynna gestum verkun saltfisks, en Grikkland er mikilvægt markaðssvæði fyrir íslenskan saltfisk. Bæjarstjóri Grindavíkur Ólafur Ö. Ólafsson tekur á móti gestum í Saltfisksetrinu og Óskar Sævarsson safnstjórikynnir safnið. Frá Saltfisksetrinu liggur leið gestana í orkuver Hitaveitu Suðurnesja í Svartsengi þar sem Albert Albertsson aðstoðarframkvæmdastjóri segir frá fjölþættri starfsemi fyrirtækisins. Í Bláa Lóninu tekur Magnea Guðmundsdóttir markaðsstjóri á móti gestum og kynnir starfsemina. Að kvöldi 6 júlí sitja grísku forsetahjónin hátíðarkvöldverð á Bessastöðum í boði íslensku forsetahjónanna.

• Síðast uppfært: 4. júlí 2006