Nemendur frá leikskólunum Laut og Króki komu í heimsókn í Grunnskólann við Ásabraut í morgun og fengu að sjá leiksýninguna Gosa sem var árshátíðarleikrit 5.K. Sýningin hefur sannarlega slegið í gegn enda með eindæmum vegleg og metnaðarfull sýning.
Krakkarnir voru hugfangnir af sýningunni, en leikmyndin var sérlega litrík og skemmtileg. Leikarar spiluðu á hljóðfæri, sungu og dönsuðu og augljóslega miklir hæfileikar þarna á ferð. Meðfylgjandi myndir voru teknar í morgun þegar krakkarnir sátu og horfðu með aðdáunaraugum á Gosa.