Guðbergskvöld á Bryggjunni

• Fréttir
• 22. mars 2012

Einn af hápunktum menningarvikunnar er í kvöld fimmtudaginn 22. mars kl. 21:00 en þá verður Guðbergskvöld á kaffihúsinu Bryggjunni.  Dagskráin verður tileinkuð Guðbergi Bergssyni rithöfundi og heiðursborgara Grindavíkur. Að sögn Aðalgeirs Jóhannssonar, verts á Bryggjunni, mun Guðbergur sjálfur vera með upplestur og síðan verður dagskrá tengd honum.

„Dagskráin er honum til heiðurs. Ég verð var við það hér á Bryggjunni þegar við fáum ferðamenn hingað, hversu mikinn áhuga þeir sýna Guðbergi og hans verkum og ævistarfi. Þegar öllu er á botninn hvolft er Guðbergur líklega mesti aflakóngurinn á Bryggjunni,"  segir Aðalgeir en þess má geta að á kaffihúsinu er skilti með öllum aflakóngum Grindavíkur á tuttugustu öldinni.

Aðalgeir segist hafa lóðsað ferðamenn um söguslóðir í bókum Guðbergs í Grindavík og hafi þeir sýnt þessu mikinn áhuga.

• Síðast uppfært: 22. mars 2012