Á  Aðalfundi Bjsv. Þorbjörns 31. 5. 2006 færði Þorvaldur Guðmundsson sveitinni styrk að upphæð 1. milljón króna.Þorvaldur Guðmundsson sonur Guðmundar Þorsteinssonar frá Hópi sem var formaður sveitarinnar hér á árum áður, sýnir hér í verki mikinn velvilja sem einkennt hefur fjöskyldu hans frá Hópi í Grindavík. Þorvaldur er gamall félagi í sveitinni og starfaði til margra ára í útkallshópi, lýsti hann einnig áhuga á því að koma aftur til starfa, fáir menn  búa yfir jafn víðtækri þekkingu á landsvæði Grindavíkur og hefur Þorvaldur hug á að liðsinna bílaflokk að skrásetja alla þá vegslóða og staði sem auðvelda gætu aðkomu sveitarinnar að slystað. Á aðalfundi sveitarinnar fer fram kjör til stjórnar , einnig björgunarbátasjóðs og unglingadeildarinnar Hafbjargar. Í skýrslu gjaldkera Guðbjargar Eyjólfsdóttur kom m.a fram að mikill uppgangur hefði átt sér stað hjá sveitinni , ráðist var í endurnýjun í bílaflota og ýmis tæki og búnaður endurbættur. Umsvif í rekstri aukast ár frá ári og huga þyrfti að frekari fjáröflun, nýgerður samningur við Grindavíkurbæ rennir styrkari stoðum undir starfsemina. Bogi Adolfsson formaður sveitarinnar var endurkjörinn, í ræðu hans kom fram að heildarfjöldi útkalla var 35 og æfingar 18 samtals, vel gekk að manna sveitina í útköllum og ljóst að hið öfluga unglingardeildar starf er að skila góðu björgunarfólki. Heiðar Hrafn Eiríksson flutti skýrslu björgunarbátasjóðs, þar kom fram m.a. að útköll á s.l ári voru 15  og 10 æfingar voru haldnar, staða sjóðsins er geysisterk og er í bígerð að endurnýja Odd V. Gíslason með mun öflugra skipi. Undir liðnum önnur mál kom fram áhugi á að gefa út bók sem segir hina merku sögu björgunarsveitarinnar Þorbjörns í Grindavík

 

Mynd Bogi Adolfsson formaður og Þorvaldur Guðmundsson frá Hópi