Vilhjálmur Birgisson verkalýðsfrömuður frá Akranesi var milliliðalaust á kaffihúsinu Bryggjunni í morgun og var húsfyllir. Vilhjálmur fjallaði aðallega um sukkið og vitleysuna í kringum lífeyrissjóði landsmanna og dró þar ekkert undan í gagnrýni sinni á þá aðila sem hafa ráðið þar ríkjum.
Fjörlegar og skemmtilegar umræður voru á fundinum og lýstu fundargestir yfir mikilli ánægju með framgöngu Vilhjálms í baráttu fyrir bættum kjörum verkafólks og fyrir gagnrýni hans á lífeyrissjóðina og verkalýðsforystuna í landinu.
„Það eru meiri líkur á því að þú verðir forseti Norður-Kóreu en ASÍ," sagði Vilhjálmur m.a. þegar hann svaraði spurningu eins fundarmanns á fundinum um verkalýðsmál.
Skemmtilegt myndband frá fundinum fylgir fréttinni.