Kynning á Hárhorninu

• Fréttir
• 28. febrúar 2012

„Þetta er að gera allt vitlaust á Íslandi og rennur út eins og heitar lummur. Því er um að gera fyrir Grindvíkinga að nýta sér þetta einstaka tækifæri," segir Ragnheiður á Hárhorninu sem mun kynna Nanogen hársnyrtivörur á morgun, miðvikudaginn 29. febrúar, ásamt samstarfsfólki sínu.

Opið verður til klukkan 18,00. Þann sama dag munu stelpurnar á Hárhorninu kynna þetta undraefni og leyfa viðskiptavinum að prófa og upplifa þetta sjálfum. Sérstakur ráðgjafi verður á staðnum frá klukkan 15-17.

Nanogen er hársnyrtivara unnin úr nátturulegum keratín próteinum. Nanogen þykkir hár margfalt og lætur þunnt hár fá heilbrigða fyllingu. Afraksturinn er aukin vellíðan og velgengni.

Hárhornsgellurnar þær Tobba, Ragnheiður, Anna Schmidt og Gerður Björg, hvetja Grindvíkinga til þess að koma við á stofunni á morgun.

• Síðast uppfært: 28. febrúar 2012