Sparkvallaátak KSÍ heldur áfram 2006 og 2007

Stefnt á að ná 100 valla markinu

19.1.2006

KSÍ hefur átt einstaklega gott samstarf við sveitarfélögin í landinu um byggingu vallanna og ber að þakka það traust sem sambandinu hefur verið sýnt.

KSÍ ákvað að leita til fjárlaganefndar Alþingis um áframhaldandi styrk við átakið þar sem óskir lágu fyrir frá sveitarfélögum um byggingu fleiri valla. Fjárlaganefnd brást enn á ný vel við ósk KSÍ og hefur stefnan verið sett á að byggja um 30-40 velli á þessu og næsta ári og ná þannig 100 valla markinu árið 2007.

Hugmynd KSÍ hefur frá upphafi verið sú að fá til liðs við sig sveitarfélög í landinu þannig að KSÍ legði til fyrsta flokks gervigras á velli sem þau byggðu, helst við grunnskóla, eftir leiðbeiningum frá KSÍ. Þá hefur KSÍ fengið til liðs við átakið fjögur fyrirtæki, Eimskip, KB-banka, Olís og VÍS, sem styrkja átakið..